24.3 C
Tura
spot_img

BTC-ni gital CEM Pramod Boro ku•mikcheta, Gobinda Basumatary Dy CEM ong•e ku•mikchetskaa

Must read

Kokrajhar, Dec 15: Mongolbar salo Bodoland Territorial Council (BTC)-ni gital dilgiparangna ku•mikchetani tom•aniko ong•atanio United People’s Party Liberal (UPPL)-ni dilgipa Pramod Boro, BTC-ni gital chief executive membor (CEM) ong•e ku•mikchetaha aro NDFB-ni gitcham dilgipa Gobinda Basumatary, ia tom•anio BTC-ni deputy CEM ong•e ku•mikchetskaaha.

BTC-o UPPL, BJP aro Kokrajhar-ni MP Naba Sarania-chi dilenggipa Gana Suraksha Party (GSP) dolrang nangrime gital council-ko rikahachim.

Batanggimin bilsi 17-ni gisepo sak 40 membor-rang donggipa BTC-ko gitcham CEM Hagrama Mahilary-chi dilanggipa Bodoland People’s Front (BPF) dolsa chalaiahachim.
Mongolbar salo, BTC-ni gital CEM Pramod Boro aro Deputy CEM Gobinda Basumatary baksana BTC election-o seokako man•gipa gipin sakgittam membor-rangba ia gital Council-ni executive membor (EM)-rang ong•e ku•mikchettokaha.

Ku•mikchetaniko Assam-ni chief secretary Jishnu Baruah dilangaha aro ia dilgiparangni ku•mikchetanio Assam-ni chief minister Sarbananda Sonowal, finance minister Himanta Biswa Sarma, Assam-ni BJP president Ranjeet Kumar Dass, Rajya Sabha-ni gitcham membor Biswajit Daimary, Kokrajhar-ni MP Naba Kumar Sarania aro gipin dilgiparangba dongpae bak ra•angaha.

BTC-ni gital CEM Pramod Boro, Bodo ku•sikchi ku•mikchetaha aro ku•mikchetani ja•mano jinmana aganprakatengon, BTR Accord-ara mandena ka•sachakani gnang songgigrikanisa ong•a ine parakataha.

India a•songni Prime Minister Narendra Modi-koba ua ia tom•anio mittelpile aganangaha.
Ia chang BTC election-o BPF dol dam 17 seat-rangko cheahachim indiba BTC-ko dolsanchi chalaina gita komibeoba sak 21 membor-rangko nangani a•sel sak 4 membor-rang chu•ongjahachim.

Ia election-o UPPL dam 12 seat-rangko, BJP dam 9-ko aro GSP seat damsako chee dolgittam da•o gital council-ko rikskaaha.

BTC election-o chegipa Congress dolni saksakamkam candidate-ba BJP dolo napaha.
UPPL, BJP aro GSP dolrang nangrime gital council-ko rikengahani gimin ia dolgittamo da•o gimik sak 23 membor-rang dongskaaha.

spot_img

More articles

spot_img
-->

Latest article