Shillong, Jymmang 04 : Ka Justice BP Katakey Committee kala ai jingmut ia ka Sorkar Jylla ba kan thaw iaka High Level Monitoring Committee ka ban peit ia ka jingpyntreikam ia ki project bad jingpyndonkam ia ka song pisa ba T. 465 klur, kaba don ban pynjyrngam biang iaka mariang bad pynbha ia ki jingpynjulor ka jingtih dewiong beain ha Meghalaya.
Ha ka 37th Interim report bala aiti sha ka Iingkashari Meghalaya High Court, ka Committee kala pynpaw ia ka jingdonkam ka committee ban peitngor ia ka jingpyntrei thikna ia ki jingtyrwa bad jingpyndonkam ia ka song pisa, bala pynlait hadien ka jingai jingmynjur jong ka Oversight Committee bala thung da ka NGT”.
Ka song pisa ka kynthup ia “T.100 klur bala thep bad ka Central Pollution Control Board (CPCB) bad T. 365,84,78,884 kaba don bad ka Meghalaya Environment Protection and Restoration Fund (MEPRF).
Ka Committee kala pynpaw ba ka Oversight Committee kala dep “mynjur ia ka mang pisa ba T. 17,52,34,294/- na ka T.100 klur bala thep bad ka CPCB bad T. 48,47,53,416/- na ka pisa bala thep ha ka MEPRF”.
Ka High Level Monitoring Committee bala tyrwa ka dei kaba hap ban “khlieh da u Ophisar ym hapoh ka kyrdan jong u Additional Chief Secretary” bad u Secretary, ka Tnad Finance, Secretary, ka tnad Mining & Geology, ka DMR bad ki “Khlieh jong ki Tnad ba dei khmih jong ka Sorkar Meghalaya, kiba la bynshet ia ka jingkitkhlieh ban pyntrei ia ki project, kum ki dkhot”.
Ka Committee ka ong ruh “Dei ban shimkhia hakhmat eh ha kaban leh eieihalor ka kaiphod jong ka High Level Monitoring Committee, ba iadei bad ka jingbym pyntreikam/pynslem ban pyntrei ia ki project, lada don, bad ka jingbym pyndonkam/pyndonkam bakla/ jingbam klop ia ka pisa, lada don, da ki bor ba dei khmih”.
Ka Committee kala kyntu ruh ban “aiti mardor ia ki jingtyrwa kiba iahap na ka bynta ban pyntreikam ia ki project na ka song pisa ba dang sah jong ka T.100 klur bala thep bad ka CPCB bad ka T. 365,84,78,884, kaba don bad ka MEPRF”.
Ia kane dei ban pynthikna da u Secretary ka Tnad Mining & Geology, “khnang ba ka song pisa kaba don, yn lah ban pyndonkam na ka bynta ka jingmyntoi jong ki paidbah ka jylla Meghalaya bad khamtam eh ia ki briew kiba shah ktah namar jong ka kam tih dewiong beain”
Pule ruh : Ai khublei u CM ia ki Khynnah ba pass HSSLC | Ka result kaba ai mynsiem, ula ong
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
