Shillong, Naitung 03 : U District Election Officer ka East Khasi Hills, ula bthah ia u Booth Level Officer (BLO) ban leit shim biangia baroh ki enumeraton form bala sam ha ka 30 tarik Jylliew, 1 tarik Naitung bad 2 tarik Naitung ba sam na iingsah jong u MLA barim ka West Shillong Constituency.

Kane ka jingbthah kala mih hadien ka jingioh khubor ba kynnoh ba ia ki phorm la sam na ka iingsah jong u MLA barim kum shibynta jong ka Special Intensive Revision (SIR) ka Electoral Roll.

“Ia kane ka jingjia la shimkhia da u District Election Officer bad u Electoral Registration Officer (ERO) ba dei khmih, bad la pynlong ruh ia ka jingleit jurip da u AERO ha ka 2 tarik Naitung ha Iingsah une u MLA barim, ban pynshisha ia ka jingkynnoh” ong u Deputy Commissioner Abhilash Baranral.

Hadien kane, la bthah ia u BLO ban leit shimti biang noh ia baroh ki phorm bala sam ha ka 30 tarik Jylliew 2026, 1 tarik Naitung bad 2 tarik Naitung, 2026.

Naduh ka 3 tarik Naitung, u AERO jong kane ka Assembly Constituency un leit ban synran dalade ia u BLO ha ka jingsam ia ki phorm sha ki nongthep vote kiba dei hok bad ban khmih bniah hi dalade ia ka jingsam ia ki phorm haduh ban da dep ka jingpynrung kyrteng” ula pynpaw.

Ia kane ka jingbthah la pynmih da u DEO hadien ka jingiakynduh bad ki seng sain pyrthei ha ka step sngi Thohdieng ban bishar kam halor ka jingiaid ka SIR hapoh ka District.

Ha kane ka jingialang, ula pyntip ba 63,731 tylli ki enumeration form la sam ha kylleng ki jaka jong ki 15 tylli ki Assembly constituency, lait noh ka Sohra Sub-Division, kat haduh ka por 5 baje janmiet jong ka 2 tarik Naitung.

Ia ki phorm na ka bynta ki Booth Level Agent (BLA) la ioh ban pdiang tang na ki 2 tylli ki National Party bad kawei ka party na Jylla.

Haba batai shai ia ka jingmut jong kane ka kam, u Deputy Commissioner ula ong ba “ka jingthmu ba nyngkong eh kong ka SIR kam dei ban pynrung kyrteng ia ki nongthep vote ba thymmai hynrei ban shim jingkhein ia ki nongthep vote bala don lypa kat kumka Electoral Roll u 2025 bad ka legacy roll u 2005”.

“Kumta ka jingkynoh ba pynryng kyrteng ia ki nongthep vote ba thymmai ka dei ka bym don nongrim” ula ong.

Pule ruh : Kyntur ka sorkar ia ka kyndon 5 hectare bad ka jingtih dewiong scientific ba iahap bad ka thain

Peit ruh :

Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.

Bud ruh ia ki ha ka

Twitter – twitter.com/nemediahub

Youtube channel – www.youtube.com/@NortheastMediaHub2020

Instagram – www.instagram.com/ne_media_hub

Download ia ka app jong ngi na playstore – Northeast Media Hub