Tura, Dec 8: South West Garo Hills a•jani Balalgre-o donggipa Captain Williamson Sangma State University (CWSSU)-o salbrina ong•atenggipa workshop-ko Sombar salo a•bachengataha aro ia workshop-ko a•bachengatanio, chatro chatrirang, skigiparang aro dingtang dingtang official-rangba bak ra•angtokaha.
Ia workshop-ko ‘Capacity Building for Academic Excellence in Digital Transformation: AI Integration for North Eastern Region Higher Education’ ine pangchakaniko done, University-ni Philosophy Department ong•atenga aro ia workshop-ara Artificial Intelligence (AI)-ko nama kamrangna, an•tangtangni bida budirangchi jakkalchina didina gita miksonganio ong•atenggipa ong•a.
Ia workshop-ko a•bachengatanio, South West Garo Hills a•jani Deputy Commissioner Hema Nayak, mongsonggipa sokgipa ong•e bak ra•angaha aro ia workshop-ko ong•atenganina CSWWU-ko mittelpilangaha.
Iana skang, ia workshop-ko a•bachengatanio, Philosophy Department-ni Head In-charge aro workshop-ni convenor Dr Temjenkala Jamir, rimchaksoani kattarangko aganangenba, ia workshop-ko ong•atani bidingo, jinmana agan-talate on•angaha.
Ia workshop-ko a•bachengatanio, CWSSU-ni Deputy Registrar Singje Ch Marak, aro gipin official-rangba dongpae bak ra•angtokaha.
Ia workshop-ko ong•atani bidingo Hub News-na talate on•angengon, ia sal somoirango manderangni salanti janggi tanganio aro skie ra•anioba AI-ko jakkalna a•bachengtokahani gimin AI-ko nambate jakkalna man•na gita apsan chanchirimna aro an•tangtangni u•i-ma•sianirangko saksa sakgipinna sualgrikna gita ia workshop-ko ong•atenga ine Dr Jamir aganaha.
Na·simang iakoba nina man·gen:
Na·simang iakoba poraina man·gen: Epatha Society-ni Boys’ Hostel-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
