Shillong, Dec 8: East Jaintia Hills a•jani Dkhiah West-o donggipa Epatha Society-ni Boys’ Hostel-ko Sombar salo, Meghalaya a•dokni Chief Minister Conrad K Sangma, Khliehriat-ni MLA Kyrmen Shylla-ni dongpaanio nokdonggae on•angaha.
Ia Epatha Society-ara, be•enni gita cholgri ong•gipa manderangna dangdike on•na, 2020 bilsini December 2 tariko, Rev Emlang Supuh-ni bikotdilgipa dol ong•a aro ia Boys Hostel-ni skanggipa bakko, 2024-2025 DMF-ni ni ning•o rikaha.
Ia hostel-ko nokdonggae on•angani ja•man, National Highway (NH-6) ramaoni ia hostel-ona ramako tarina gita cholrangko sandichina a•dokni Chief Minister, East Jaintia Hills a•jani Deputy Commissioner-ko ge•etangenba, ia hostel-ni gnigipa bakko rikanio dakchakanirangko on•na ku•rachakangaha.
Ia hostel-ko nokdonggae on•anganio a•dokni Chief Minister, be•enni gita cholgri ong•gipa manderangna, ‘Mini CM Connect’-koba ong•atjolaha aro uamangni nangani aro neng•nikanirangko knatime ra•angaha.
Epatha Society-ni mol•molani gita, CM ELEVATE scheme-ni ning•o dingtangmancha be•enni gita cholgri ong•gipa manderangna computer training centre-ko kulie on•na gitaba Chief Minister ku•rachakangaha.
Ia hostel-ko nokdonggana program-ko ong•atanio, be•enni gita cholgri ong•gipa manderangna dingtangmancha wheelchair-rangkoba suale on•angjolaha.
Iani ja•man a•dokni Chief Minister, Khliehriat Higher Secondary School-naba School Bus-ko pakwate on•angaha aro ia bus-ko pakwate on•ani somoio a•dokni Education Minister Lahkmen Rymbui-ba dongpaaha.
Na·simang iakoba nina man·gen:
Na·simang iakoba poraina man·gen: Goa-o sianggipa Diganta Patir-ni manggisiko ra•bana dakchakchina Assam CM-ko mol•mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
