Guwahati, Dec 8: Adita salrangna skang, Goa-o nightclub damsako wa•al kamchipanio rasong gribee siangna nanggipa chadambe Diganta Patir-ni manggisiko, Dhemaji-o donggipa uni nokona ra•bapilna gita dakchakaniko on•china, uni atchutang, Assam-ni Chief Minister Himanta Biswa Sarma-ko mol•molataha.
Atchutanggipani kobor ra•timgiparangna aganani gitade, bilsi 22 ong•gipa Diganta Patir, batanggimin bilsionin Goa-ni nightclub-o cook ba cha•ani taritimgipani kamko ka•engachim indiba Sonibar walo, rasong gribee, uni kam ka•chakenggipa nightclub-ko wa•al kamanichi, uaba siangna gita nangaha.
Sianggipa Diganta Patir-ni ma•gipa aro jonggipa uni manggisiko noktangona ra•bana gita cholrang ong•jaenga ine Assam-ni Chief Minister-ko dakchakchina gita uni atchutang mol•molataha.
Sonibar walo, Goa-ni nightclub damsako wa•al kamanichi Assam-ni sakgittam manderang, janggitangtangko gimaatna nangaha aro ia manderangara, Rahul Tanti, Manojit Mal aro Diganta Patir ong•achim. Rahul Tanti-ni manggisikode uni nokdangna pakwate on•na man•aha indiba Mal aro Patir-ni manggisikode da•onan Goa-o donkuenga ine kobor on•aha.
Indake ong•engon, ia a•sel ong•anio Assam-ni sakgittam manderang siangna nangahani gimin Chief Minister Himanta Biswa Sarma-ba social media-o an•tangni kalimpaaniko parakataha.
Na·simang iakoba nina man·gen:
Na·simang iakoba poraina man·gen: BK Kakati Scheme-ni ning·ai sak 12,000 name chu·sokgipa chatro-chatrirangna Assam Sorkari Scooter-rangko sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
