Tura, Oct 25: Garo Hills Autonomous District Council (GHADC), skanggipa changna GHADC-ni Chief Executive Member ong·chenggipa aro Meghalaya a·dokni skanggipa skotong Minister ong·chenggipa Captain Williamson A. Sangma-ni chang 35-gipa siani salko GHADC office-o gisik ra·aniko dakangaha.

Ia program-o 2nd MLP Battalion, Goeragre-ni sipairang Rastriya Salute chong·motan a·songni sallamko ka·anga, uni joljol dilgiparang William Point-o donggipa Pa Sangma-ni mangkrongko mande ra·e pulrangko donangaha. Unbaksana gisik ra·ani bak gita minute-sana jinma jrip dongtokaha.

Tourism Minister aro Agricultural & Farmers Welfare-ni Minister Timothy D. Shira, ia tom·anio mongsonggipa sokgipa ong·e bak ra·engon, Pa Sangma sagini ia Meghalaya a·dokko man·a krengdilani aro chu·sokaniko man·ani gimin aganan baksa ia niksenggipa dilgipako mande ra·pilskaaniko dakangaha.

GHADC-ni Chief Executive Member Albinush R. Marak-ba, Captain Sangma-ni janggi tangani gimin gisik ra·atpilan baksa a·dokko bimang ong·atna mongsonggipa bakko ra·e kam ka·angahani gimin aro Autonomous District Council-ko man·a krenge kam ka·dilahani gimin janapangaha.

Iarangna agreba ia tom·anio Captain W. A. Sangma-ni nokdangni manderangba bak ra·angaha aro Tura Music Academy-ba uko gisik ra·ani gitko ring·mesokangaha.

Na·simang iakoba nina man·gen: 

Na·simang iakoba poraina man·gen: Tura-ni Fancy Valley gittimoniko bike bolsa cha•ua

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub