Ia motorcycle rally-ko July-ni 26 tariko ‘Kargil Vijay Diwas’-ko maniani salo matchotatgen.

2022 bilsio a·bachengatgipa gong kror 14,322 mang ong·gipa Jiribam-Imphal new line project-ni ning·o gitalgipa railway station-ko Khongsang-o da·o man·chengaha aro ia km 111- mang bakrogipa railway project-ko NFR jako ra·e tariatenga jekon re·baenggipa December jao matchotatna gita nisanko donsoaha.

Ma Ampareen-ni ia kattako agananiara, mija Robibar salo ramao a·sel ong·gipa chadambe jokkom ong·gipako hospital-ona rimbae sana-bananiko on·engmitingo chadambeni siangani salsa ja·man ong·achim.

Ramao a·sel ong·e chadambe saksa mija Robibar salo hospital-o siangna gita nangahani gimin, Shillong-oni adita chel·kalao donggipa North Eastern Indira Gandhi Regional Institute of Health and Medical Sciences (NEIGRIHMS) hospital-o adita jegrik-ingrikanirang ong·angaha ine koboroniko knasona gita man·aha.

Ua sakgni me·chikrangko gangri-chingri Meitei me·asa jinmani mikkango re·ate aro uamangko dangtape roani ja·man mande jinma drae kal·akanio dos donggipa gimikkon rim·china gita CoTU, iana skang ma·mong sorkarina konta 48 somoirangko on·ahachim ine nikna man·a.

Williamnagar-o bakan Meghalaya Grassroot Music Project-ko a·bachengatgnok ine parakatengon, a·dokni changgipa sapgipa chadamberangna ia project-ko a·bachengate on·ahani gimin Marak, a·dokni Chief Minister Conrad K Sangma-koba mittelpilangaha.

Union Minister-ni ku·wataniko AASU-ni membor-rang jegalgrimenba, Dibrugarh-o jinma re·jomaniko ong·atangaha aro uni ja·man Union Minister-ni bimangko tarienba so·e galtokaha.

Ru·uta bilsirangoni meligrikjaenggipa a·dok damgnini simarangko tik dake on·na mikkangchi ja·kurangko de·ani gimin agan-chanchirimna gita tom·aniko ong·atanggipao, Assam-ni Agriculture minister Pa Atul Bora aro Meghalaya-ni dakchakgipa skotong minister Pa Prestone Tynsong bakko ra·angaha.

Manipur-o jatgnini gisepo kajia ong·anichi neng·nikanirangko chagrongbatenggipa aro duko ga·akenggipa me·chikrang aro bi·sarangna tom·tomaniko on·china aro a·doko songdongenggipa manderangni gisepo kema ka·grikaniko ra·bachina gita ku·cholsan Nokgipao bi·rimanikoba Mothers Union ua somoio dakdilangaha.

A·dokni job reservation policy-na Meghalaya a·doko ra·gatnasienggipa Roster System baksana Tura songjinmako Winter capital songchina gita dabienggipa A·chik a·songni namgnina re·chakate kamko ka·enggipa dingtang dingtang dolrang baksa golporimna aro dingtang dingtang mamalao neng·nikanirangni bidingo jingjengatenggipa dolrangni agananirangko knatime ra·na gita, re·baenggipa July 24 tariko Meghalaya-ni skotong minister Pa Conrad K Sangma-ni Tura songjinmaona re·banasienganiko West Garo Hills a·jani Deputy Commisioner, Sukrobar salo u·iatangaha.