Shillong, July 9: Asia-o gitchambatsranggipa robol kal•susaani, chang 134-gipa Indian Oil Durand Cup-ko ia changoba Meghalaya a•doko sokachaktaina sienga.
Ia bilsini Durand Cup-na robol kal•susaaniko re•baenggipa July 23 tariko a•bachengatengon, ia kal•susaaniko Meghalaya a•dok baksana West Bengal, Assam, Manipur aro Jharkhand a•dokrango sokachakenga.
Ia Durand Cup football tournament-na dingtangmancha official trophy roadshow-ko Budbar salo, Shillong songjinmao ong•atangaha aro ia roadshow-ko Meghalaya a•dokni Chief Minister Conrad K Sangma, State Convention Centre-oni a•bachengate on•angaha. Ia trophy roadshow-ko a•bachengatanio, a•dokni Sports Minister Shakliar Warjri, Air Marshal Suraj Singh, Lieutenant General Sanjay Malik, Lt Gen Mohit Malhotra aro dingtang dingtang official-rangba dongpae bak ra•angaha.
Ia trophy roadshow-ko a•bachengate on•anio a•dokni Chief Minister jinmana aganprakatengon, ia chang Shillong-o ong•atenggipa Durand Cup, re•anggipa bilsiona bateba ga•subatna sienga ine aganenba, a•gilsako mingnambatsranggipa football tournament-rangoni ge•sa ia Durand Cup-ko Shillong-oba ong•atna seoktaiahani gimin an•tangni kusi ong•aniko parakataha.
A•doko kal•susaanirangko nambatatna gita sorkarini on•kange kam ka•engani gimin gisik ra•atpiltaianiko on•angengon, batanggimin bilsisnini gisepo a•dokni bang•bata kal•chakram biaprangkon taridapna man•aha aro gong crore 2000 tangkarangko koros ka•aha ine Chief Minister parakataha.
Shillong-ko India-ni Football Capital ine mingsing minggamchina ua nangnikenga ine janapatengon, bakan Meghalaya a•dokni district ge•antion synthetic athletic track-rang donggnok ine Chief Minister parakataha.
Ia tom•anio a•dokni Sports Minister Shakliar Warjri-ba jinmana aganprakengon, a•doko kal•susaanirangko nambatatna gita sorkarini ka•enggipa kamrangni bidingo janapangenba, ia sorkari, stadium-rangkosan rike on•enga ong•ja indiba manderangni jumangrangkosa rikenga ine aganaha.
Re•baenggipa 2027 bilsini National Games-o komibeoba ge 50 medal-rangko chena nisanko donenga aro iana a•dok sorkari, a•dokni dol 26 sports association-rangna gong crore 39.17 tangkarangko on•enga ineba Warjri aganaha.
Shillong-o ia Durand Cup-ni quarterfinal aro semifinal-ko man•chape changchet kal•susaanirangko July 23 aro August 23 tarikrangni gisepo, JN Sports Complex-o ong•atgen.
Trophy roadshow-ko Shillong-o a•bachengate da•o Nongstoin aro Tura gita re•jomanggen aro ian a•dokni manderangna Durand Cup-ni trophy-ko nikrikpana chol ong•gen.
Na·simang ia video-koba nina man·gen:
Na·simang iakoba poraina man·gen: Dhansiri chibima-ni banani a·sel Golaghat-o bang·a neng·nikanirangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
