Guwahati, July 9: Assam-o gnigipa changna chi banarangni a·selo, a·dokni dam-6 a·jarango sak 32,000-na baten manderang neng·nikanirangko man·enga, uandake ia obostarangni a·sel Mongolbar salo saksa mande janggi galaha, aro una agreba sak 6 manderang a·a be·rurani a·sel sianichi da·o a·doko manderangni sianirang chu·gimik sak-29 gapaha
Golaghat, Hojai, Nagaon, Sivasagar, Jorhat, Karbi Anglong a·jarango dam 13 revenue circlerang aro sam 19 songrang neng·nikanirangko man·enga. Chu·gimik sak-4,265 manderang noktangtangoni kate chake dam 33 relief camprango dongna nangenga, aro sam 27 relief distribution camprangko da·o chalaienga.
ASDMA bulletin-ni aganani gitade, hectare 2,470 hectare ge·a-gamani a·arang chio napsrimaha.
Sak 32,000 manderangna baten neng·nikanirangko man·enga, aro sak 19,500 ong·nasipile songdonggipa manderang chi bananichi neng·nikanirangko man·e Golaghat-o obostarang namjabatenga.
Bokakhat sub-division-ni ning·o West Dhudang-o Dhansiri chibima-o banding kaanirang dal·e be·ahani a·selo bang·a songrangan neng·nikanirangko man·e hajalni hajal manderang nok-jam gri kate chakna nangaha.
Yamuna chibima uni rikamrango chi gapsuakani a·selo Doboka-o adita bilsirangni gisepo chi bananio namjabatgipa obostarang ong·enga, uandake Doboka jilla-ko aro Dighaljaruni-ko chio napsrimatani ja·mano gital biaprang jekai Longlibasti-rangoba chi bananirangko nikna man·enga.
Nagaon a·jao, Kampur aro Kathiatoli jolrango ia bilsio gnigipa changna chi bananirangko nikna man·enga.
Dhansiri chibima gapsuakani a·selo Khumtai-ni dam-20 songrangna baten chi banani obostarangko chagronge salanti janggi tanganirango neng·nikanirangko man·enga. NH-39-ona dakanggipa mingsinggipa aro mongsonggipa Dhodar Ali sorok, Letekuchapari-ni sepango chio napsrime hajalni hajal manderang, aro uamang baksa Numaligarh Refinery-o kam ka·giparangni re·ruraanirango neng·nikanirangko on·enga.
Na·simang ia video-koba nina man·gen:
Na·simang iakoba poraina man·gen: Chang 134-gipa Durand Cup-ko M’laya-oba sokachaktaienga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
