Tura, Sep 5: Sukrobar salo, Education department-ni dilanichi chang 64-gipa Teachers’ Day ba skigiparangni salko Tura-ni District Auditorium-o maniangaha aro ia salko manianio, West Garo Hills a•jani Deputy Commissioner Vibhor Aggarwal, Tura-ni Additional DSEL Ruby Z Das, Tura-ni DSEO RTK Sangma, SDSEO Bardy A Sangma, dingtang dingtang skulni skigiparang aro chatro chatrirangba bak ra•angtokaha.
Ia skigiparangni salko manianio, West Garo Hills a•jani sakbonga skigiparangna, dingtangmancha uamangni on•kange kamko ka•engani gimin mande ra•pilskaaniko dakangaha aro ia skigiparangara, Dalamgre LP School-ni Headmaster Sorash Marak, Anogre-o donggipa Perennial Upper Primary School-ni Headmistress Luckyrina A Sangma, Tura Public School-ni Scout Master Bikromjit A Sangma, Rongkon-o donggipa Baden Powell Memorial LP School-ni Guide Taringchi S Sangma aro Tura Christian Girls Higher Secondary School-ni Assistant Teacher Nishita Saha ong•a.
Ia salko manianio, West Garo Hills a•jani Deputy Commissioner Vibhor Aggarwal, tom•anio bak ra•giparangna aganprakengon, ma•a paarang jekai dedrangko mande ong•atanio daitorang donga, apsan daken skigiparangba bi•sarangko mande ong•atanio daitorang donga ine aganaha.
Skigipani kamara mingsa nambatsranggipa kam ong•genchimoba bang•bata changon skigipani kamko mikchepronga ine janapatengon, skigiparangni songsalna on•gilaniko ma•sie ra•ani aro gamchatnikna nanganiko aganangenba, skigiparangna songsalo dingtangmancha mande ra•aniko on•na nanga ine Aggarwal aganaha.
Ia skigiparangni salko manianio dingtang dingtang dolrangni git ring•ani aro chrok mesaanirangchiba manderangko an•saoatangaha. Ia program-ko ong•atanio Fr Jimberth K Marak aro Dore Meghania T Sangma, dingtangmancha skigiparangna on•kange gitko ring•aha aro unbaksana ia manianio Niveditha Girls School-ni chatrirangba chroke mesokangaha aro Tura Public School-ni chatro chatrirangba dingtangmancha skigiparangna gitko ring•e mesokangaha.
Na·simang iakoba nina man·gen:
Na·simang iakoba poraina man·gen: NEHU Tura Campus, Cascading Karmayogi Training workshop series-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
