Shillong, Oct 19: Cherry Blossom Festival-ara iandakgipa manianirangko namnikgijagipa manderangnade ong•ja aro sorkari mamingko drae dakenga ong•ja ine Bristibar salo, Meghalaya a•dokni Tourism Minister Paul Lyngdoh parakataha.
Cherry Blossom Festival-ko matchotatani salara Robibar sal ga•akengani gimin ia salko dingtangatchina gita Ri Bhoi a•jani Joint Action Committee dabiengachim aro Bristibar salo uamang Tourism Minister-ko iani bidingo grongna jotton ka•oba ua kamrang jakchakjahani a•sel grongna man•jahachim.
Indake ong•engon, Cherry Blossom Festival-ko ong•atani miksongara iandakgipa festival ba manianirangona re•bagipa 90 percent manderangde gipin a•songrangoni aro gipin a•dokrangoni re•bagipa manderangsa ong•batani gimin ia festival-koba dingtangmancha tourist-rangna miksonge ong•atenggipa festival-sa ong•a ine Lyngdoh parakataha.
Ia festival-ko ong•atanio Ri Bhoi a•janaba dingtangmancha sorkari biapko seokmanahani gimin a•jani manderang, dokkanrangko dake aro manderangko salrurae an•tangtangna man•gnirangko ra•rikna cholko man•gen ineba ua aganaha.
Cherry Blossom Festival-ko Robibar sal man•chape ong•atanina jegaltokengani gimin aganchakaniko on•atengon, sanabade Robibar sal rongtalgipa ong•naba gnang, sanabade Sonibar salsa rongtalgipa ong•naba gnang aro sanabade Sukrobar salba rongtalgipa ong•naba gnang indide maikai salko basee iandakgipa program-rangko ong•atna man•gen ine Tourism Minister sing•doataha.
Batanggimin somoirangoba iandakgipa program-rangko Robibar salo ong•atahachim ine janapatengon, Cherry Blossom Festival-ko Robibar sal man•chape ong•atanina jegalanio politics-ni gita jak dongna nanga ine Lyngdoh aganaha.
Iakoba poraie nina man·gen: GSU-EZ election-na scrutiny dakanio candidate-rangni lekkarango chu•onggijaniko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
