Tamil Nadu, Dec 19: Tamil Nadu sorkarini gita, chi banani a•selo jachange dongenggipa manderangna dakchakaniko on•a man•a gita Indian Naval Ground aro Aerial Rescue & Relief Team-rangko baridapataha.
Indake, naljokataniko aro jachange dongenggipa manderangna nanganirangko on•anio, INS Parandu aro INS Kattabomman-ni ning•o watata man•gipa Flood Relief Team aro Naval Helicopters & Aircraft dolrang jako ra•e kamko ka•engaha.
Indake, ia chi bannanio jachange dongenggipa manderangko sak 100-na batpile naljokgipa biapona rimangna man•aha aro ianoni sak 3 an•o gnanggipa me•chikrangko man•chape sak 17 manderangko, INS-ni watatgipa ALH dolrang naljoke rimongkatbana gita man•aha ine nikna gita man•a.
Chennai-oni Indian Naval Dornier-ko, a•dok sorkarini on•enggipa KG 400-mangni gita jregipa relief-ni bosturangko, Tuticorin Airport-ona salrurana aro uni joljol Parundu-oni Chetak Helicopter-o bosturangko galone suale on•angna gita watataha.
Unbaksana, KG 3500 mangni gita jregipa relief-ni bosturangko Rameshwaram-oni Madurai-ona ra•angna gita, Naval dolrang-ko watatskaaha ine nikna gita man•a.
Indake, a•dok sorkarini gita on•enggipa bosturangko suale on•a gita, HQ Tamil Nadu aro Puducherry Naval Area-ni Indian Navy-rang ama dipet dakchakaniko on•enga.
Iakoba poraie nina man·gen: Kamoni neng•takgimin deficit skigiparangna pension-ko on•china dabia
Watch
