Boko, Sept 23: Chaygaon Rihabari joloni skul re·gipa chatro sakgni Kharkhari chibimao sripe siaha aro salgnina sandianirangko dakani ja·mano uamangni manggisirangko dingtang dingtang biaprango man·aha.
Ua jolo donggipa manderangni aganani gitade, ia obosta skulko chalaigipa manderangni a·sel ong·aha. Obostao ga·akgipa me·a bi·sarang Chaygaon-ni Rihabari-o donggipa private skul Sacred Vineyard Bereand Academy-o poraienggipa chatrorang ong·achim.
Koborrangko man·soani gitade ua me·a bi·sarang salgnina skang (re·anggipa Robibar) hostel-oni Kharkari chibima-ona auna re·ange gimaaha. Indake ma·a-paarang aro ua jolo donggipa manderang uamangni manggisirangko man·kujana kingking namen so·sojengjeng ong·aha.
Skanggipao Chaygaon-ni Satabari-o songdonggipa Class X-o poraienggipa Surjyoraj Das-ni manggisiko Boko-ni Payarang-o Kharkari chibimaoniko man·aha. Uni ja·mano Boko Police Station-ni ning·o donggipa Dakuwapara no. 2-oni Class IX-o poraienggipa Nilkamal Kalita-ni manggisiko Chaygaon-ni Jambari-o Kharkhari chibimaoniko man·aha.
Uamang chatro sakgnian hostelo donggiparang ong·achim. Ia a·sel ong·aniko ma·a-paarang aro ua jolo songdonggiparang namen ding·chaoaha aro ua chatro-rangko chibimaona skatang auna watatanina skulko chalaigiparangko dos galaha.
Ia bi·sa sakgnini obosta ong·anichi nokni manderang namen duko ga·akaha aro a·dokni private skulrango bi·sarangko naljoke rakkina rakbata niamrangko ra·gatchina dabiaha.
Na·simang iakoba nina man·gen:
Na·simang iakoba poraina man·gen: Zubeen Garg-ni manggisiko mande ra•bee so•e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
