Guwahati, Sep 23: Sukrobar salo Singapore a•songo a•sel ong•e sianggipa Zubeen Garg-ni manggisiko Mongolbar salo, Kamarkuchi NC songni Hatimura-o hajal kotok manderang, bon•kame una mande ra•pilskaaniko dakenba so•e galaha.
Iana skang, Zubeen Garg-ni manggisiko Mongolbar pring 8:00 bajimangonin Sarujasai Stadium-oniko ra•enba jinma re•jome, pring 10:55 bajimango Sonapur-ona sokbaaha aro ia biapona, Zubeen-ko namnikgipa hajalni hajal manderang tom•chimongbatokaha.
Hindurangni dakrongbewal gita Zubeen-ni manggisiko uni nogipa Palme Borthakur, uni nokdangni pal so•aha aro unbaksana Arun Garg aro Rahul Gautam Sharma-ba dongpaaha.
Zubeen Garg-ni manggisiko Sarujasai Stadium-oni Kamarkuchi-ona ra•baengmiting somoio, uni nokdangni manderang aro ma•drangrangba, apsan re•baaha aro una skangan ia biapo hajalni hajal manderang tom•chimongsotokenba, Zubeen Garg-ni manggisiko nichaksotokaha.
Zubeen Garg-na mande ra•ani chin gita sipairangba, pong 21 silchidarerangchi salam ka•aha aro una bon•kame mande ra•pilskaaniko dakanio, Assam-ni Chief Minister Himanta Biswa Sarma, Union Minister Kiren Rijiju, Union Minister Sarbananda Sonowal, Assam Assembly-ni Speaker Biswajit Daimary aro gipin dilgiparangba dongpaaha.
Zubeen Garg aro uni jikgipa Garima Saikia Garg-o dedrang dongjani gimin uni nogipa Palme Borthakur-sa uni manggisiko so•na nangaha ine u•iataha.
Zubeen Garg, 1972 bilsini November 18 tariko, Tura jillao Mohini Borthakur aro Ily Borthakur-ni nokdango atchiaha. Uni ma•gipa Ily Borthakur-ba saksa git ring•gipa ong•e ua chonmitingonin uni ma•gipaoniko git ring•na skie ra•aha.
1992 bilsio Zubeen Garg, uni skanggipa Assamese audio album ‘Anamika’-ko ong•katataha aro iani ja•man ua a•song gimikon mingsingna a•bachengaha. Git ring•nasan ong•aigija Zubeen saksa, dokna dam•na changgipaba ong•e ming 12 doka dam•ani bosturangko dokna dam•na changgipa ong•achim.
Uni janggi tanganio ua, ming 40 Indian ku•sikrangchi ming 32,000-na baten gitrangko tarie chipangaha.
Na·simang iakoba nina man·gen:
Na·simang iakoba poraina man·gen: PGSU, NEHU Tura Campus-o chagrongenggipa neng·nikanirangko nirokatchina Governor-ko mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
