Baghmara, April 1: South Garo Hills a·jani Chokpot jolo donggipa manderang rama-jal·angrang dongjani a·sel wachi karini somoio bang·a neng·nikanirangko man·enga ine GSU-ni Chokpot Regional Unit-ni General Secretary Spensar R Sangma parakatenba, ia ong·enggipa obostarangni bidingo Chokpotni MLA Sengchim N Sangma mamung nirok-sandianirangko dakjaenga ine matnangaha.
Re·anggipa 2023 aro 2025 bilsirangon uamang ia neng·nikanirangni gimin janape a·dokni Skotong Minister Conrad K Sangma-na memorandum-ko on·manahachim indiba da·onaba mamung cholko dake on·kujaenga ineba ua aganangaha.
Chokpot Sangknigre song sambao donggipa Dankipara-oni Balikimgre aro Ronjugre-ona kabatgipa Hanging Bridge namsrangjani a·selo songni-nokni manderang, skul aro college-rango poraienggipa chatro-chatrirang namen neng·nikaniko man·enga ine ua talatangaha. Ia dolongara songo-noko donggipa poraienggipa bi·sarangna wachini somoio chi ga·batna altue man·na ine tarigipasan ong·aia aro iarangko nambate tarina sorkarioni mamung ja·ku de·anirangko dongkujaenga ine ua janapenba, ua jol-ara a·dokni skotong minister Conrad K Sangma-ni jikgipa Mehtab Chandee A Sangma-ni man·gopgimin 56-Gambegre Constituency-ni ning·o ong·a ineba ua aganangkuaha.
Uandake, Baromile oni Chokpot-ona tarienggipa ramakoba Baromile-oni Sandong Songma-onasan kae donengani gimin salantio nangana re·ruaenggipa manderangna namen neng·nikani ongenga ine ua aganenba, Sandong-oni Chokpot antiona tarina nangkuenggipa rama tong·sako maidake da·onaba man·kujaenga ine ua Skotong Minister-ko sing·doaha.
Una agreba, Chokpot-oni Karukol-ona ramako tariangna tikatgimin kror 156 tangkarangniba mamung kobor dongkujaengani gimin, ia tangkarangko rama tarinan tikatbebeahama ma Chokpot-ni manderangko togie roengasama ineba ua sing·doanirangko dakangaha.
Songo-noko rama-jal·angrang donggijanichi bang·a neng·nikanirangko man·engani gimin aro uamangna mingsasikba kamrangko chu·soke ka·e on·naniko nikjaengani gimin Chokpot jolni manderang da·o ong·enggipa sorkarina mamung ka·donganian dongjaengaha ine ua agandapangaha.
Na·simang iakoba nina man·gen:
Na·simang iakoba poraina man·gen: Maharashtra CM, Dibrugarh-o campaign ka•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
