Jowai, Aug 11: Sonibar attamo, chu peka gnang Bolero camper gariko salanichi bang·a garirangko su·gake nosto ka·aha aro bang·a manderangan ia a·sel ong·anio saknaatako man·aha.
Police-rangni aganani gitade, ia a·sel Sonibar attamni 7:30 bajimango West Jaintia Hills a·jani Mihmyntdu songni Mihmyntdu Dorbar Hall sepango ong·aha.
ML 04 D 8952 registration number-ni Bolero Camper gariko chu peka gnang salgipara Nongjngi songoni bilsi 25 ong·kuenggipa Dominic Pasi ong·achim aro ua Lathlaboh-oni Mihmyntdu-chipakna ta·rakprete gariko salangengmitingo mikkangchini re·baskaenggipa East Jaintia Hills-ni District Transport Office (DTO)-ni jakkalenggipa Bolero (ML 01 7922) gario su·gakeaha, indake ong·genchimoba rasonggnangbee gari salenggipa aro gadotimenggiparang maming saknaa gri jokna man·aha.
Uni joljol ia Bolero Camper, Ialong songoni Pyndap Dhar (25)-ni salenggipa local taxi (ML 04 D 7572) gariko su·gakeaha jeni a·selan, gari nosto ong·atako man·an baksa gari salenggipa aro gadotimenggiparang bilongen saknaatako man·aha. Uamangko bakan sanna bannaniko on·a gita Ialong-o donggipa Jowai Civil Hospital-ona re·pakenggipa manderang rimangaha.
Uni ja·mano apsan garian, rama a·samo park ka·e donenggipa ML 04 D 8095 registration number-ni Breeza gariko salpakeaha aro joljol bang·gija re·angani ja·manan, Nongjngi songoni Lakhon Khariah (45)-ni salenggipa local taxi (ML 04 D 7427) gari baksa su·gakeaha jeni a·selan Khariah saknaatako man·aha aro uko Jowai Civil Hospital-o sanna bannaniko on·enga.
Indake bang·a garirangko joljol salpakea aro su·gakeani ja·man bon·kame rama a·samo park ka·e donenggipa local taxi (ML 04 A 0721) gario ua su·gakeaha jeni a·selan garirangko nosto ka·an baksa an·tangba saknaatako man·aha.
Bilongbee saknaako man·ahani gimin Pasi-ko Jowai Civil Hospital-ona bakan ra·angaha aro sanna bannaniko on·enga.
Ia a·sel ong·anio nosto ka·ako man·gipa garirangko talbate sandianiko dakna gita Jowai-ni Police Reserve-ona ra·angaha ine Police-rang u·iataha.
Na·simang iakoba nina man·gen:
Na·simang iakoba poraina man·gen: ATS-ni bidingo ANVC dolgni bakrime tom•aniko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
