Guwahati, June 12: Assam sorkari namen rasong man·gipa Srimanta Shankardev Award 2023-ko a·gilsak gimiko mingsinggipa classical dancer aro Padma Vibhushan awardko man·gipa Dr. Sonal Mansingh-na on·aha. Ia awardko on·aniko Guwahati-ni Srimanta Shankardeva Kalakshetra-o Bristibar salo ong·ataha.
Ia awardko namen mande ra·ako man·gipa Mahapurush Srimanta Shankardev-ni bimungo a·bachengataha jekon jatni daka-rikani, art, aro songsarni bidingo bang·a on·gilanirangko dakgiparangko mande ra·na on·enga.
Ia tom·anio dingtang dingtang niksenggipa manderang bakko ra·angaha jekai Assamni Governor Lakshman Prasad Acharya, Skotong Minister Dr. Himanta Biswa Sarma, Union Minister of Ports, Shipping and Waterways Shri Sarbananda Sonowal aro Assamni Minister of Culture Bimal Bora.
“Anga Assamni Skotong Minister, Himanta Biswa Sarma-ko 2023 Srimanta Sankardev Award-na angko baseanina dingtangmancha mitela. Anga Assamni Minister of Minister-koba mitela. Ia mande ra·aniko man·aniara angna dal·begipa boksis ong·a. Anga Padma Vubhushanko man·aha aro da·o Assamni manderangoniko uamangni namgipa kattarang aro ka·saaniko man·aha – angna maiko nangkua? Anga Assam-o atchigipa ong·ja indiba anga an·tangko Assam-oni gita daknika. Assam angni ka·tongo donga,” ine kusi ong·bee Dr. Sonal Mansingh parakataha.
Na·simang ia video-koba nina man·gen:
Na·simang iakoba poraina man·gen: Air India sildoreng bilchakatani ja•man Ahmedabad-o ‘crash’ ong•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
