Shillong, Dec 2: Sports & Youth Affairs Directorate-ni ong•atenggipa State Level Youth Engagement Program-ko Mongolbar salo, Meghalaya a•dokni Chief Minister Conrad K Sangma, Sports & Youth Affairs Minister Wailadmiki Shylla-ni dongpaanio, NEHU-ni Convention Hall-o a•bachengate on•angaha.
Ia program-ko a•bachengate on•anganio a•dokni Chief Minister, tom•anio bak ra•giparangna aganprakangengon, a•dokni chadamberangba, dingtang dingtang jat aro biapni chadamberangko gronge, uamangni daka rikanirangko skie ra•na nanga aro iako dakanichi chadamberangni janggi tanganio dingtanganiko ra•bana man•gen ine aganaha.
Meghalaya a•dokni dal•roroani aro a•dokna sorkarini niksamsoanirangko janapangengon, batanggimin adita bilsirangni gisepon iana pangchakaniko songmanaha aro da•o dingtanganiona re•baengaha ine Chief Minister parakataha.
Meghalaya a•dokko 10 billion economy ong•atna sorkarini tikkelanio, kamrangko chu•sokgipa ong•atna gita chadamberango aro chadamberangni u•i-ma•sianirango sorkari tangka paisarangko koros ka•na gita nanga ineba ua aganaha.
Bilsiprakon sak 70,000-mangni gita chadamberang, kamrangko ka•na gita re•mikkangenga ine janapatengon, ia chadamberangara a•dokna pattianiko ra•bagipa gam-jin gita ong•genchimoba, indita sak chadamberangna kamrangko tikate on•aniara sorkarina dal•begipa ra•biani ong•enga ine Chief Minister parakataha.
Chadamberangni namgnina sorkarini ra•gatgipa dingtang dingtang program-rang, jekai DREAM, Early Childhood Development Program, Skilling and Entrepreneurship program, CM Elevate, YESS Meghalaya, Hello Meghalaya aro uandakgipa program-rangni giminba ia tom•anio Chief Minister, jinmana agan-talate on•angaha.
Ia tom•anio, a•dokni Sports & Youth Affairs Minister Wailadmiki Shylla-ba jinmana aganprakangengon, iandakgipa program-rangara, international ba national level-rangosan ong•aigija a•dokni gitaba ku•mong nangrimaniko ra•bana gita namen nangchongmotgipa ong•a ine aganaha.
Ia program-ko ong•atanio, gipin jatrangni daka rikani aro kamrangkosan skie ra•aigija, somoini gamchatani, ku•cholsan ong•e kam ka•ani, daitotangko ma•siani aro dilgipa ong•anirangkoba skie ra•china gita Shylla, chadamberangko didiangaha.
Ia state level exchange program-o chegipa sak 24 chadamberang, ja•mano Malaysia a•songona re•angna cholko man•gen aro ia program-o gnigipa ong•e chegipa chadamberangba, a•songni dingtang dingtang biaprangona re•angna cholrangko man•skagen.
Na·simang iakoba nina man·gen:
Na·simang iakoba poraina man·gen: GHADC-o kam ka•giparang jaanti dormaha on•nanina kusi ong•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
