Shillong, Oct 11: Congress dol, a·doko a·sel ong·enggipa chong·motan me·a aro me·chik bi·sarangko ka·saninggija so·otahanina bil·cham so·e jinma jegalgrimaniko dakangaha.
Batanggimin somoio, Nongrah-oni gimagipa bilsi 7 ong·kuenggipa me·a bi·sani manggisiko Mawpat-oniko October 9 tariko man·aha aro bilsi 13 ong·kuenggipa me·chik bi·sako bilsi 22 ong·gipa mandeni til·ekdrae Ri-Bhoi a·jao so·otgalaniko nikna man·aha.
Iandakgipa kamrangara songsalo ra·chakna man·gijagipa aro ka·a be·ani ong·a jean, a·doko bi·sarangna chel·chaksoani raka niamrangko ra·gatgijani a·sel ong·enga ine manderangni gisepo ding·chaoataha.
Iani gisepon ia obostani bidingo Deputy Chief Minister in-charge Home (Police) Prestone Tynsong-ni agangipa kattarangna suk ong·gijaniko Badwar parakataha aro ian ramram manderangni neng·nikanirangko ma·sichakjani gimin ong·a ine aganaha.
Bi·sarangara kal·grike janggi tangna aro dal·rorogiparang ong·na bil gnanggiparang ong·a aro uamangna naljokaniko on·aniara sorkarini dakna nanggni kamrang ong·a, uni gimin dingtang dingtang dolrang jekai, songsalko dilgiparang, school-rang aro giljao mondolini dilgiparang baksa nangrime uamangna naljokaniko on·gipa raka niamrangko tarina nanga ine sorkariko didiataha.
Meghalaya Pradesh Mahila Congress (MPMC)-ni President Joplyn Scot Shylla-ba, iandake namgijagipa kamrangko chel·chaksoani chol ba niamrangko ra·gatna nanga jekai, pornography site ba til·ek an·chaani bidingo mesokgipa website-rangko champengate kimitgalani aro bi·sarangna kragipa ba didigipa ja·wilwatrangko mesokskaani ja·wilwatrangko bi·sarangna on·skana nangenga ine aganaha.
Indake skulrango sex Education ba til·ek an·chaani bidingo mikrakataniko on·a nangchongmotengani gimin aro iarangni bidingo ma·a paagiparangan agan-skie on·a nangengani gimin Shylla janapataha.
Iana agreba, manderangni naljokani mongsongbate bi·sarangna naljokaniko on·anio namdapatani giminba ua janapangaha.
Manderangna aro bi·sarangni naljokaniko on·anio skanggipa done re·ruraanio kenchakani grigipa garirangko on·china aro CCTV-rangko chattekchina aro Police-rangko watatchinaba Shylla mol·molataha.
Na·simang iakoba nina man·gen:
Na·simang iakoba poraina man·gen: Shira, PM-DDKY scheme-ko ra·china game cha·giparangko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
