Shillong, Feb 15: Congress dolni candidate-rangna pu•onaniara indin pu•onaniko nisigalani gitasan ong•aigen ine Budbar salo, BJP-ni national secretary Rituraj Sinha matnangataha.
Sinha-ni parakatani gitade, Congress dolara sorkarini bak ong•pana sienggipa dol ong•jani gimin bilsi bongana opposition-osa asongna nangaigen aro uamang constituency-tangni manderangna maming namgnirangko ra•bana man•jawa.
West Bengal-ni Trinamool Congress (TMC)-ko matnangatskaengon, T-ara Tollabazi, M-ara Mass Bangladeshi inflation aro C-ara Cut Money aro Corruption-ko miksonga ine Sinha parakataha.
2018 bilsini Meghalaya election-de TMC dongjachim ine janapatengon, ia changoba TMC-ni dilgiparang, Meghalaya a•dokona rorambae, dal•dalgipa ku•mikchetanirangko dake rona re•bagipa gitasan ong•aia aro 2028 bilsini Assembly election-oba uamang dongtaijanaba gnang ine BJP-ni national secretary parakataha.
