Guwahati, Apr 6: Uni aro uni jikgipani kosako Congress-ni matnanganio ‘Pakistan a•songni social media group’ jak donga ine Sombar salo, Assam-ni Chief Minister Himanta Biswa Sarma matnangatenba, ‘tol•e tarigipa lekkarangko’ jakkala ine Congress-ni kosako police-rangna badi ka•doangaha.
Iani bidingo kobor ra•timgiparangna talataniko on•angengon, Delhi-o Congress-ni dilgipa Pawan Khera aro Guwahati-o Congress-ni sakgipin dilgipa Gaurav Gogoi-ni press conference-o jakkalgipa lekkarangara, Pakistan a•songoni on•atgipa lekkarangsa ong•a ine Sarma a•kangataha.
Batanggimin sal 10-ni gisepo Pakistan a•songni media, Assam election-ni bidingo komibeoba ming 11 program-rangko mesokaha aro ia program-rango Congress dolni cheani giminsa janapbataha ineba Sarma aganaha.
An•tangni jikgipa Riniki Bhuyan Sharma-ko baditaba king passport-rang donga aro an•tangni gam-jinrangko chu•gimik parakjaenga Congress-ni matnanganirangko jegalatskaengon, ia matnanganirangko Congress-ni dilgiparang ‘photoshopped’ ka•gimin aro ‘tol•e tarigipa lekkarango’ pangchakesa matnangaha ine Assam Chief Minister aganaha.
Iani bidingo Sarma-ni jikgipa Riniki Bhuyan Sharma-ba Sonibar walo FIR ka•doangaha.
Na·simang iakoba nina man·gen:
Na·simang iakoba poraina man·gen: Gogoi, Sarma-ko Dubai Gold Card-ni bidingo sing·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
