Guwahati, March 11: Assam Assembly election-ko nichaksoengon, Indian National Congress-ni Media & Publicity Department-ni Chairman, Pawan Khera Budbar salo Guwahati-o kobor ra·timgiparangna parakatengon, a·songni Prime Minister Narendra Modi-ni kosako adita matnanganirangko dakangaha.
“Modi-ni jadu da·ode Modu-ni gisikoba dongjaha. Uade bon·aha ine Modi an·tangba ma·sia. Uni bil de bon·aha,” ine Khera kobor ra·timgiparangna parakataha.
US-ni President gitcham Donald Trump-ni agananirangna mamungkoba aganchakgija donganina Khera Prime Minister-ko sing·doaha.
“Donald Trump India-ni Prime Minister-ko chang ritchasa chonnika agananirangko dakaha, indiba India-ni Prime Minister-de Donald Trump-na changsamangba aganchakna pa·ja,” ine ua aganangaha.
Unbaksana, Congress-ni dilgipa Indiani foreign and trade policy-rangni kosakoba matnange, United States-oni sinjetanirangko man·e a·songni bilko gimaataha ine aganangaha.
“Re·baenggipa bilsi bongana an·chinga 500 billion dollar-rangni bosturangko brena America-ni jakchi draatako man·enga. An·ching Iran ba Russia-oniko to-ko brejanaba draatako man·enga. Uamang on·genchimosa an·ching Russia-oniko sal 30-na to-ko brena man·gen. An·ching an·chingni bilko aro jakgitelaniko pakwate on·aha,” ine Khera talataha.
Uandake, India-ni security aro gipin mamlarangni bidingo gipin a·songrangni dilgiparangsa maina parakatenga ineba Khera sing·doaha.
“India aro Pakistan da·ode ceasefire arrangement dongaha ine America-ni president-onisa anga knaaha. Indiba an·chingde an·chingno sorkarinasa pu·onna, Donald Trump-na ong·ja. India aro Pakistan-ni gisepo ceasefire donggen ine Donald Trump rai on·na nanga?” ine ua sing·aha
West Asia-o ong·enggipa obostarangni giminba Khera janapaha, aro ia kajia-golmalrangni a·sel India-ni manderangba neng·nikaniko man·naba gnang ine ua aganangaha.
“Modi-ni jadu bilsi chikkungna skangsa donga. Da·ode ua dongjaha, da·ode uan bikpilaha,” ine Khera agandapaha.
Ia pilak agananirangan Assam Assembly election ong·na skang political party-rangni bilakbate campaign-rangko ka·engmitingo aro dolsa dolgipinko matnanggrikengmiting somoio ong·a.
Na·simang iakoba nina man·gen:
Na·simang iakoba poraina man·gen: AAHAR 2026-o Meghalaya Pavilion-ko opraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
