Tura, Dec 1: Bristibar salo, Meghalaya a•dokni Chief Minister Conrad K Sangma, Dalu jolo songdongenggipa manderangni ru•utbea bilsirangna nichakenggipa Dalu Civil Sub-Division-ko songe on•angaha.
The most-awaited Dalu Civil Sub-Division was inaugurated today. We are happy to present West Garo Hills District’s 3rd Civil Sub-Division together with the people who hoped for this day for years! pic.twitter.com/AgTFj0VJit
— Conrad Sangma (@SangmaConrad) December 1, 2022
Ia Dalu Civil Sub-Division-ara West Garo Hills a•jani gittamgipa sub-division ong•enga aro ia gital sub-division-ko songe on•angani ja•man a•dokni Chief Minister, Dalu-ni MLA Brening Sangma aro gipin official-rang baksa, ia gital sub-division-ni office-koba nieaha.
Dalu Civil Sub-Division-ni office-ko nieanio ua an•tangni nikanikoba ua office-o see donbaaha.
Dalu Civil Sub-Division-ko songe on•angani somoio a•dokni Chief Minister, jinmana aganprakangengon, a•dokni pilak biaprangon namroro silroroaniko ra•bana gita uni sorkari, niksamsoani gnang re•chakataha aro ia niksamsoaniko be•en pil•atna gita sorkarini kamrangko manderangona sepangbatate on•enga ine parakataha.
Ia gital sub-division-ko songanichi, ia jolrango sorkarini a•bachengatgipa namroro silroroani kamrangko nambate aro ta•rakbate ka•na man•gnok ineba ua aganaha.
Ia program-ko ong•atanio FOCUS plus card-rangko aro PROGRESS scheme-ni ning•o wak bi•sarang baksana Kuroiler do•orangko a•dokni Chief Minister, suale on•angjolaha.
