Guwahati, Feb 26: Dispur Constituency-ni ning·o Guwahati-ni Indrapur-o songdonggipa manderang bilsi chikkung ong·nasipile ringani chirangna dilanirangko chagrongenga. Namroro-silroroanirangko ra·baenga aro ma·mong sorkarini Har Ghar Jal Scheme-ko a·bachengatenga ine agananirang donggenchimoba, uamangni jolo chirangko nanga gita man·jaenga.
Skotong Minister Himanta Biswa Sarma-ni dilenggipa BJP sorkari songjinmao dingtang dingtang project-rangko jako ra·aha – jekai flyover-rang, sorokrangko taridapanirang aro songjinmako nitodapanirang, indiba nangchongmotgipa cholrang jekai ringani chirangko songjinmani badiaba badiaba bakrangona sokatujaenga ine songdonggiparang parakataha.
Changsao East Guwahati constituencyni ning·ao ong·gipa Indrapur da·ode Dispur constituency-ni ning·ao ong·enga, indiba knaani gitade ku·chakgimin nokprakprakna chi salanirangko ua jolo donggiparang man·kujaenga. Bang·a nokdangrangan gipinrangni chi palanirangko breenga, aro ian bang·a tangka-paisarangko koros ong·atenga.
Chi-na dilanichi bang·a nokdangrangan neng·nikanirangko man·enga ine Indrapur-o songdonggipa Najma Begum Hub News-na aganangaha.
“Chinga ru·uta bilsirangna chi-na neng·nikanirangko chagrongengaha. Ia biapo bang·a nokdangrang songdongenga indiba chi-rangko salanti somoi gita chu·onge man·jaenga. Basakobade, tangka gamani ja·manoba, chi man·anirang tik ong·ja. MLA-rang aro MP-rang election-rangni somoirango re·bae chi-rangko on·na ku·chakanga indiba uni ja·mande uamang chingko guala,” ine ua parakataha.
“Ru·uta bilsirang ong·a. Da·ona kingkingde ia neng·nikani namgnok ine chinga chanchiachim, indiba mamung dingtangani dongkuja. Darangba chingni neng·nikanirangko namedake sandie cholrangko on·na re·bakuja. Chinga tangkarangko koros ka·dape chi-rangko brekuenga. Ian chingni salantini janggi tanganio neng·nikaniko on·enga,” ine sakgipin songdonggipa Kankan Kusha galchipako man·anina duk man·bee aganangaha.
“Basakobade chinga chi jokaniko kontasa batpile senga, indimangba chi-ko name man·ja. Ian ru·uta bilsirangna ong·engaha. Namroro-silroroanina ja·ku de·anirangni gimin chinga pilakchin knaa, indiba chi-ni bidingo mamung namdapani dongkuja,” ine ua jolo songdonggipa sakgipin mande Gauri Talukdar minggipaba agandapangaha.
Assam Assembly election-rang sepangrorobaengon, ia obosta Dispur constituency-ni voter-rangni gisepo mongsonggipa katta ong·anggen ine niksamsoengon, uano songdonggiparang ringani chi-rangko salani scheme-rangko ra·baani aro uamangni bilsi chikkung ong·nasipile chagrongenggipa neng·nikaniko namatna pangkamgipa cholrangko dabienga.
Na·simang iakoba nina man·gen:
Na·simang iakoba poraina man·gen: MLA-rangna Khasi-Garo course-ko a•bachengna CM ku•pattia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
