Shillong, Feb 26: Garo Hills-ni MLA-rang, Khasi ku•sikko aro Khasi-Jaintia Hills-ni MLA-rang, Garo ku•sikko skie ra•na man•na gita MLA-rangna language crash course-ko a•bachengatna Bristibar salo, a•dokni Chief Minister Conrad K Sangma, ku•pattianiko on•angaha.
District Selection Committee (DSC)-ni kamrangna Khasi aro Garo ku•sikrangko man•telgipa ong•na nanggen ine niamko ra•gatani bidingo TMC-ni MLA Dr Mizanur Kazi-ni sing•anina aganchakaniko on•angengon, MLA-rangonin a•bachenge, sal 10-na ba sal 15-na Khasi aro Garo ku•sikrangko skie ra•na man•na gita crash course-rangko a•bachengatna man•genchimode ian a•dokna nambegipa dakmesokani ong•gen ine Sangma aganaha.
DSC-ni kamrangna Khasi aro Garo ku•sikko man•na nangtelgipa ong•ataniara Garo Hills-ni a•kawe jolrango donggipa gipin jatrangnade namen neng•beani ong•gen ine TMC-ni MLA Dr Kazi-ni sing•dogipa kattarangna aganchakaniko on•angskaengon, ian gipin jatrangko watchanggalna miksonganide ong•jaenga indiba sorkarini kamko ka•na re•baenggiparangde joltangni ku•sikko man•na nanggen inesa ong•enga ine Chief Minister aganaha.
Sorkario kam ka•giparang, Garo aro Khasi ku•sikko aganna man•jagenchimode kamrangko chu•sokatanio neng•nikanirangko chagrongna nanga, uni gimin sea jotaniko ong•jagenchimoba aganna man•anikode nanga ineba Chief Minister aganaha.
A•kawe jolrango songdongenggipa manderangoniba bang•batan Garo ku•sikko aganna man•ani gimin ian maming neng•nikani dongjawa ineba Sangma aganaha.
Primary skulrangoba Khasi aro Garo ku•sikrangko nangtelgipa ong•atna Cabinet-ni tik ka•gipani bidingo janapatengon, “Chinga an•tangtangni ku•sikna namen rasong chagiparang ong•ani giminsa ia niamko ra•gataha indiba iana manderang jajrengna nangjawa,” ine Sangma aganaha.
Na·simang iakoba nina man·gen:
Na·simang iakoba poraina man·gen: Sorkarini employment program-rang chu•sokja ine matnangako CM jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
