Shillong, Feb 26: Meghalaya sorkarini ra•gatgipa employment program-rang chu•sokgipa ong•jaha ine opposition-ni matnanganiko Bristibar salo, a•dokni Chief Minister Conrad K Sangma jegalatenba, a•doko chadamberangan jelbra jelsubatani gimin sorkarini dakchakanirangko nanga aro sorkarini ra•gate on•gipa FOCUS aro CM-Elevate gita dakgipa scheme-rang da•o bite nangna a•bachengengaha ine parakataha.
Assembly-o TMC-ni MLA Dr Mizanur Kazi-ni sing•anina aganchakaniko on•angengon, chadamberangna kamrangko on•ani bidingo survey ka•aniko niatgenchimode bilsiprakon dingtanggrikani dongaiani gimin ia program-rangko chu•sokgipa ong•jaenga ine agananiara gualani ong•enga ine Chief Minister aganenba, batanggimin bilsirango a•dok sorkari lak 3.66 kamrangko nakatatna man•aha ine parakataha.
Sorkarini miksonganirangko da•o dipet chu•sokatsrangnade man•kujaenga indiba kamrangko ka•enga ineba ua aganaha.
Meghalaya a•doko songdongenggiparangoni 50 percent-de bilsi 20-ni ning•o ong•giparangsa ong•ani gimin dingtang dingtang cholrangchi kamrangna program-rangko ra•bana nangkuenga ineba Chief Minister aganaha.
FOCUS program-ni bidingo talataniko on•angengon, 22,500 producer group-rangna gong crore 140 tangkarangko chamataha aro lak 2.1 manderangna namgni ong•aha ine Chief Minister parakataha. FOCUS+ program-ba lak 1.5 manderangona sokangaha ineba ua aganaha.
Self Employment scheme-rangko ra•ani bidingo sing•anina aganchakaniko on•angengon, CM-Elevate program-ni ning•o bading chiwalani, tourism, kal•susaani aro dingtang dingtang kamrangna dakchakanirangko on•enga ine Chief Minister parakataha.
Manderangni neng•nikanirangko namatani bidingo East Shillong-ni MLA Ampareen Lyngdoh-ni sing•anina aganchakaniko on•angengon, CM-Connect program-ni bidingo Chief Minister talate on•angaha.
Na·simang iakoba nina man·gen:
Na·simang iakoba poraina man·gen: SGH-ni game ge·e cha·giparang sinkarini me·su samjakrangko ge·anichi chisamrangko me·su ge·dam biap ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
