Tura, Oct 23: Diwali-ko maniani bak gita Tura-ni Dobasipara-o donggipa BSF Sector Headquarter (SHQ) campus-o Diwali Mela-ko Robibar salo ong·atangaha.

Ia Diwali mela-ko BSF Tura-ni DIG Harmeet Singh, do·ga oe on·angaha aro ia mela-ko do·ga oe on·anganio ua BSF-ni sipairangna, uamangni nokdangrangna aro jolo songdongenggipa manderangnaba Diwali-ni namgipa skaniko on·angaha.

Ia Diwali mela-ko ong·atanio BSF-ni sipairang, an·tangtangni doka dam·anirangchi manderangko an·saoatangaha aro jolo songdongenggipa manderang, BSF battalion-rangni doka dam·anirang baksana mela-o palgipa cha·ani ringanirangkoba cha·e ringe rona cholrangko man·aha.