Tura, Jul 30: HIV/AIDS sabisiko warachakanio Garo Hills-ni chadamberangkoba bak ong•atna gita miksonganio, Tura Don Bosco College, Shillong-ni Meghalaya AIDS Control Society (MACS) baksana college-ni Red Ribbon Club aro NSS Unit, Zonal Level Red Ribbon Youth Fest-ko Budbar salo ong•atangaha.
Ia Red Ribbon Youth Fest-ko ong•atani bak gita Budbar pringo, ‘Red Run’-koba ong•atangaha aro ia katsusaanio, Tura Christian College, PASF-Abong Noga College, Miriam Russell Women’s College, Tura Government College, Don Bosco College, aro College of Community Science-ko man•chape, dingtang dingtang college-ni chatro chatrirang bak ra•angtokaha.
Ia katsusaanio chegiparangna tangka aro certificate-rangko boksis dake on•angaha aro Shillong-o ong•atna sienggipa State Level Red Ribbon Youth Fest-o Garo Hills-ni pal bak ra•na gita chatro sakbonga aro chatri sakbongako seokangjolaha.
‘Red Run’-ko ong•atani ja•man dingtangmancha salni bako jinma tom•ani program-koba ong•atangaha aro ia program-ko ong•atanio, Tura Civil Hospital-ni Senior Health & Medical Officer Dr Tami G Momin, mongsonggipa sokgipa ong•e bak ra•angaha. Ia tom•anio ua, HIV/AIDS sabisiko chel•chakna nangani gimin aro an•tangtang an•chirangko on•gilna nangani gimin talatanirangko on•angaha.
Ia tom•anio dongpae bak ra•gipa gipin manderangara, Tura Don Bosco College-ni Principal Rev Fr Januarius S Sangma, Integrated Counselling & Testing Centre-ni In-charge aro Senior Specialist Dr Rajamoni R Marak, MACS-ni Youth Assistant Director Larina Nongpiur aro gipinrang ong•a.
Ia Red Ribbon Youth Fest-ko ong•atani bidingo MACS-ni Youth Assistant Director Larina Nongpiur, Hub News-na talate on•angengon, Meghalaya a•doko sak 10,000-na baten manderang HIV baksa janggi tangenga aro bilsiantian sak 928-mangni gita HIV-ko man•enga ine janapatenba, Meghalaya a•doko HIV/AIDS-ko champengna gita iandakgipa program-rangko chadamberangna ong•atenga ine parakataha.
Na·simang iakoba nina man·gen:
Na·simang iakoba poraina man·gen: Changgittamgipa Meghalaya Pineapple Fest-ko Delhi-o ong·atnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
