Guwahati, July 30: Assam a·doko jawilwat kal·anio mingsing minggamako man·gipa actress Nandini Kashyap-ko Dispur Police, re·anggipa July jani 25 tarik walo Guwahati-ni Dakhingaon-o polytechnic poraienggipa bilsi 21-ni Samiul Haque-ko salpake katani case-o rim·aha. Samiul ia a·sel ong·anio saknaako man·enba July jani 29 tariko janggi galaiaha.
Mikrontangchi nikgiparangni aganani gitade, Nandini Kashyap, peke uni Bolero SUV-ko 120 kmph-o salenba, Guwahati Municipal Corporation (GMC)-na sorokni streetlight-rangko tarianio dakchakpaaniko on·enggipa Samiul-ko salpakenba katangaha.
GMC-ni worker-rang uko jawilwat ra·rikma am·on mande saksako ua saknaatna jotton ka·aha ineba uamang aganangaha, indake jamano uko Kahilipara-o donggipa uni apartment-oniko uko rim·na man·aha.
Salpaka man·gipa Samiul, sko-o bilongbee matako man·a baksana grengrangba be·aha. Una sana bananiko on·a skanggipa uko Gauhati Medical College aro Hospital-ona rimangahachim, jamano uko Apollo Hospital-ona watatskaha jeon ua janggiko galaiaha. Sianggipani ma·gipa ka·a be·e uamang kangal cholgrigipa nokdangni ong·a baksana, Kashyap sana bananio tangka paisani gita dakchakaniko on·a ku·rachakahachim indiba jamano ua jechakpilataha ineba ua aganaha. Samiul pagipako gimaatenba, nokdango saksan kamaigipa ong·an baksana ua an·tangni poraianirangnaba gamengachim.
July jani 28 tariko police dolrangni sing·sandiako daka jaman Kashyap-ko watpilanina manderang ding·chaotokaha. Social media-o bang·a manderangan uko mingsinggipa mande ong·ana mikkang nianiko dakenga ine police dolni kosako matnangataha. Indake ong·engon, Samiul-ni sia jaman uko North Guwahati-o Theatre Show matchote re·bapila jaman uko rim·aha.
Kashyap, da·o simsakgija gari salanichi mandeni janggiko gimaatani, a·sel ong·a jaman katani aro sakki-rangko donuna jotton ka·anina matnangako man·enga. Indake ong·engon, police dolrang mikkang niteagri aro kakket ong·e am·sandianiko dakna ku·rachakataha.
Iani gisepon, Rajdhani Theatre, Kashyap-ni bilsiginina acting contract soi ka·aniko bon·chongdikatan baksana Samiul-ni nokdangni manderangna kalimpaaniko on·ataha aro duko ga·akgipa nokdangni manderangni kakket bichalna dabianina chakpaaniko uamang on·a ineba janapataha.
Na·simang iakoba nina man·gen:
Na·simang iakoba poraina man·gen: Changgittamgipa Meghalaya Pineapple Fest-ko Delhi-o ong·atnasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
