“Maheh” ine manderangni ka·sae okamgipa, Dr. Donwa Dethwelson Lapang, late Donwas War aro late Elsibon Lapang-ni kim·kimgipa aro bebera·anio bilakgipa Kristian nokdango April 10 tarik, 1933 bilsio atchiaha. Ua Umsning, Ri Bhoi a·jao an·tangni ba·rima sakbonga baksa dal·droaha. Uni bi·samiting salrango ua namen neng·nikanirangko manve janggi tangbagipa ong·achim aro iarangko uko uni mikkangchi manderangna dangdike janggi tanganio tarisoaha.

Bi·samiting salrang aro poraiani

Dr. Lapang, Umsning-o primary-ko poraiaha aro Shillong Government High School-o matriculation-ko matchotaha. Ua St. Anthony’s College-ni evening section-o poraiangkuaha. Neng·nikanirang bang·genchimoba, ua noktangna dangdike on·na Lew Mawlong (Nongpo) aro Lew Umsning-o ma·gipani cha dokkkanrangko chalaina dakchakaha aro soroko hajira kamrangkoba ka·aha.

Uni ja·mano ua Saiden Basic School, Nongpoh-o bilsi bongana skigipani kamko ka·e Assam Forest Department-o typist-ni kamko ka·aha. Ua rank-rango tang·dororoe, Assam Civil Secretariat-o Lower Division Assistant aro Upper Division Assistant-ni kamrangko ka·aha aro ja·mano bilsi 10-na Sub-Inspector of Schools ong·e dangdike on·aha.

1958 bilsio, ua Amethyst Lynda Jomes Blah-ko bia ka·aha aro Nokgipa uamangna dedrang sakgniko pattiaha. Ma·gipani bebera·anio didianiko man·e, Dr. Lapang bebera·anio bilakgipa Kristian ong·achim aro ua saksa skiprakna changgipa ong·achim.

Politics-o kam ka·ani

Hill State Movement-ni a·bachengani 1972 bilsio Meghalaya a·dokni ong·baaniko nike Dr. Lapang didianiko man·aha. Indake ua agipi dilgiparang jekai Prof. G.G. Swell, Capt. W.A. Sangma, B.B. Lyngdoh, Hoping Stone Lyngdoh,  P. Ripple Kyndiah, D.D. Pugh, aro P.G. Marbaniang baksa kamrangko ka·aha.

1972 bilsio skanggipa Meghalaua Legislative Assembly election ong·on, ua independent candidate ong·e Nongpoh Constituency-o (17) chakataha aro cheaha. Ian uni bilsi sotbri-na bate politics-o dilgipa ong·e kam ka·ani a·bachengani ong·a. Ua pil·nipil MLA-na seokaniko man·aha – 1978, 1983, 1988, 1998, 2003, 2008, and 2013.

Dr. Lapang changbongana kingking Meghalaya a·dokni skotong minister ong·aha, uandake ua mande ra·ako aro manderangni namnikako man·gipa ong·aha. Uni mingsa mongsonggipa chu·sokaniara 1992 bilsi Ri Bhoi a·jako man·anian ong·a.

Ua a·songni a·paloba Meghalaya-ni pal-o re·angaha aro USSR, USA, UK, France, Switzerland, Germany, Italy, China, Hong Kong, Singapore, Thailand aro Bangladesh-ona manderangko rimangaha aro dingtang dingtang kamrangna re·angaha.

Ua a·dokni skotong minister ong·na skang diingtang dingtang kamrangko jako ra·e ka·aha, uarangara: * 1983-oni 1985-ona – Minister of Planning, Finance, Home, Revenue, Food & Civil Supply. 
* 1985 -oni 1986-ona – Minister of Finance (aro Taxation), Planning, Evaluation, Home (aro Passport) and Revenue. 
* 1986-oni 1986-ona – Minister of Finance (aro Taxation), Planning, Evaluation, and Home (aro Passport) and Revenue. 
* 1986-oni 1987-ona – Minister of Finance (aro Taxation), Planning, Evaluation, and Home (aro Passport). 
* 1987-oni 1988-ona – Minister of Planning and Programme Implementation. 
* 1987-oni 1988-ona – Minister of Home, Revenue and Excise. 
* 1988-oni 1990-ona – Deputy Minister of Home.

Mande ra·anirang aro award-rang

Dilgipa aro saksa Kristian bebera·gipa ong·e Dr. Lapangni kam ka·anina uko a·songosan ong·aija indiba gipin a·songni manderangba mande ra·aha. Uarangoni mitamrangara:

1. Doctorate of Divinity – International Council of Higher Education, Bangalore-ni ning·o Acts Academy of Higher Education (7 January 2004).
2. Mother Teresa Smriti Puraskar Award – World Human Services Society, Vishwa Manav Seva Samity, Kolkata (25 February 2004).
3. Doctorate of Divinity (Honoris Causa) – Serampore College, West Bengal (11 February 2007).
4. Doctorate Degree in Philosophy – Sam Higginbottom Institute of Agriculture, Technology & Sciences University, Allahabad (9 April 2009).
5. Rising Personalities of India and Gold Medal Award – International Penguin Publishing House, New Delhi (8 August 2009).
6. Doctorate of Letters (Honoris Causa) – University of Science & Technology, Meghalaya (10 April 2017).

Kam ka·ani

Ongipa gadangoni chang-bonga a·dokni skotong minister ong·aona,Dr. Lapangni janggi tangani uni chakchikani, bimchipani aro manderangna dondikgija dangdike on·aniko mesoka. Ua soroko hajira ka·gipa ong·e a·bachengaha aro ja·mano skulo skigipani kamko bilsi 5-na ka·aha. Ua Assam Civil Secretariat-o Typist-ni kamkoba ka·aha. Uni ja·mano uko Lower Division Assistant-ona tang·doataha aro uno ua bilsi 13-na kam ka·aha. Uni ja·mano ua Sub-Inspector of Schools-ni kamko bilsi 10-na ka·aha.

Na·simang iakoba nina man·gen: 

Na·simang iakoba poraina man·gen: M’laya-o niamgri bol ratenggipa dam 6 karkanarangko chipata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub