Kohima, Dec 13: Nagaland a·dokni Dzukou Valley-o rang·gitik wa·al kamani somoio jachange donggipa sakbri trekker-rangko naljokatna man·aha.
Ia a·sel Sukrobar-o Kohima saliram jolo ong·aha.
Officialrangni aganani gitade, ia wa·alko kimitgalna gita, wa·al kimitgalgipa dolrang bakan kamko ka·angaha.
Kohima-ni Deputy Commissioner B. Henok Buchem, ia trekking ka·enggipa jolrangko da·o dipet manderangni namgnina dondikataha ine aganan baksa, biaprang ga·nangja a·silang a·dare dakani gimin wa·al ching·chaoaniko kimitgalna gita sildoreng rangko jakkalenga ineba janapataha.
Indake, Rescue aro Response Team-rangko Khonoma songoni manderang aro Western Angami Youth Organisation, dakchake on·enga.
Khonoma base camp-ni official, Sukrobar salode balwa rang ta·rakani a·sel drone-ko jakkalna man·jaha aro unbaksana ramarang namjani a·sel aro mobile network-rang namjani a·sel ia obostao somoi gita kam ka·na man·jaha ine aganaha.
Dzukou Valley-ni salgipeng joloba trekking ka·aniko Southern Angami Youth Organisation champengatsoaha.
Na·simang iakoba nina man·gen:
Na·simang iakoba poraina man·gen: Arunachal Pradesh-o rama a·sel ong·e sianggipa sak 7 manderangni manggisiko man·dapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
