Shillong, Nov 12: Meghalaya a·dokni East Khasi Hills a·jao, April aro September jani gisepo sak 53 atchigital bi·sarang pneumonia sabisiko man·e siaha ine East Khasi Hills District Maternal & Child Health Officer Dr. EL Kharmutee, bi·sarangni pneumonia man·e siaoniko komiatna miksonganio Campaign-ko ong·atna a·bachengatani salo parakataha.
Ia campaign-ko, sabisiko seng·nang porikka ka·e nina awareness program-rangko ong·atachi bilsi 5-na komikuenggipa bi·sarangni pneumonia sabisiko man·e siaoniko gimaatna mikrakataniko on·a miksonganio 2025 bilsini November 12 tarikoni 2026 bilsini February 28 tarikona ong·atenga.
Indake ia campaign-o healthcare worker-rang, ASHA aro Anganwadi-rangna, pneumonia sabisiko maikai simsakna nanga training-rangko on·gen, community awareness-ko ong·atgen jekai, Village Health Nutrition Days, pulse oximeter-rangko, oxygen, antibiotic aro gipin nangchongmotgipa bosturangko chotchanggija on·ronggen aro unbaksana bi·sarangna simsakani aro nokningo wal·ku ong·ataniko komiatna Gas ba bijolio song·a chananiko dakchina agan-skie on·anggen ine Dr. Kharmutee janapataha.
Iako a·bachengatengon, songsalni manderangming aro sanna bannaniko on·enggipa dolrangming ku·mong nangrime kamko ka·na nanggen ineba ua aganaha.
Iarangni gisepoba, November 15-21 tarikrango, ‘Newborn Safety: Every Touch, Every Time, Every Baby’ ine katta bichongko donenba National Newborn Week-ko ong·atanggen jeon, naljokgipa an·pakani, sok kannani, ma·ana simsakani aro Newborn unit-rang jekai SNCUs, NBSUs aro NBCs-rangko namdapatani gimin antigimiko skie on·anggen.
Na·simang iakoba nina man·gen:
Na·simang iakoba poraina man·gen: MMUA scheme-ni ning•o SHG-rangna Assam CM cheque-rangko sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
