Shillong, Oct 16: Tourism aro International Cooperation-ko tang·doatna miksonganio Emerging North-East Eco Forum (ENEEF), Meghalaya a·dok sorkari aro Thailand-oni Tourism Promotion-ni Thai Special Delegation baksa Shillong-o tom·anio bakrimangaha.
Ia tom·aniko a·dokni Tourism Department ong·ataha aro ia program-o a·dokni Governor aro Skotong Minister Conrad K Sangma mongsonggipa sokgipa ong·e bak ra·angaha.
Ia tom·anio Thailand-Indiani Ambassador Mr. Thanathip Upatasing jinmana aganengon, Thailand aro Indiani gisepo bakrime kam ka·na aro tourism-ko tang·doatna skaniko parakataha aro unbaksana Thailand-oni Meghalaya-ona chartered flight service-ko on·a mangsongenganikoba ua janapangaha.
Indake, tourism-ko tange rakkina bakrimanio ning·tubatatna, jatni dakbewalrangko ma·sie ra·grikna aro Meghalaya a·dokni nitoaniko aro daka rikanirangko gipin a·songni songrebagiparangna mesoke tang·doatani giminba chanchirimangaha.
Ia bakrimani gimin janapengon, ENEEF-ni dilgiparang an·tangtangni on·kange kam ka·engani gimin janapatan baksa, Meghalaya a·dok sorkariko, Tourism Department aro Thai Delegation-ko mitelpilskaangaha.
Na·simang iakoba nina man·gen:
Na·simang iakoba poraina man·gen: Meghalaya, Women’s Tri-Nation Tournament-ko sokachaknasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
