26.3 C
Tura
spot_img

Ganol hydro project-ko 2022 bilsini May jao kam ka•chakatgen

Must read

Shillong, Jan 14: 22.5 MW ong•gipa Ganol hydro project-ko 2022 bilsini May jao kam ka•na a•bachengatgen ine da•al Meghalaya a•dokni Power Minister James K Sangma parakataha.

“Ganol project-ko 2022 bilsini May jao a•bachengatna chinga ka•dongenga,” ine minister aganaha.

“Chinga ia Ganol project-ko matchotatna gita gisiko nange kam ka•enga maina ia project-ko matchotahaode ian Garo Hills-o bijolina neng•nikanirangko namatna man•gnok aro ian Garo Hills-na mikkim rasongniba ong•gen,” ineba ua aganaha.

Garo Hills-o ia 22.5 megawatt ong•gipa Ganol small hydro project-ko Meghalaya a•dokni Chief Secretary MS Rao-ni dilanichi high power committee, nirokjringengachim ine nikna man•a.

Ia power project-ko matchotatna gita a•dokni Cabinet, re•anggipa bilsio, gital dake hisaptaigimin gong kror 507.71 tangkarangko ra•chakmanahachim.

Ia project-ko 2006 bilsion a•bachengahaoba dingtang dingtang neng•nikanirangko chagrongna nangahani a•sel kamrang namen ja•manchakatako man•ahachim.

spot_img

More articles

spot_img
-->

Latest article