Tura, July 19: Re·baenggipa National Games 2027-na tarisamsona ine West Garo Hills District Swimming Association (WGHDSA) chi jroe nianirangko skanggipa changna July 19 tarik, Sonibar salo Rongkhon Swimming Complex-o ong·ataha.
Ia jroe nianirangko Shillong-o ong·atnasigipa chi jroanirangna tarisamsona ine miksonge Garo Hills joloni chi jrona changgiparangko sandina aro skina ine miksonge ong·ataha. Sak 17 chadamberang iano bak ra·angaha, ianoni mongsongbate Tura-o songdonggipa manderang aro adita manderang Rajabala aro Dadenggre-oni bak ra·na re·baaha. Uamangoni, sakbonga-de me·chikrang ong·a.
Gnigipa aro bon·kamgipa changna jroe nianirangko July 26 tariko ong·atgen. Garo Hills-ni diltugipa biaprangoni chi jrogiparang an·tangtangni changa-sapanirangko mesokna re·bagen ine iako dakdilgiparang ka·dongenga.
“Namedake skie tarisamsoanirangko dakanichi chinga a·dokna medalrangko man·gen ine anga ka·donga.” ine saksa chi jrogipa Hub News-na aganaha.
Skanggipa salo, WGHDSA-ni dilgiparang adita chi jrona changgiparangko nikaha ara pilak bak ra·na re·bagiparangko Rongkhon Swimming Complex-ona re·bae ranta ka·anirangko dakchina didiaha.
“Na·simang a·dokna medalrangko man·e cheode, sorkari na·simangna boksisrangko on·telgen. Uni gimin na·simangni skie ra·anirangko gisik nange dakbo aro ia cholko ra·e man·a dipet krengbo,” ine skigiparang bak ra·giparangna ku·pattie on·aha.
Garo Hills-o ong·telaigiparang chiring-chibisikrang bang·ani gimin, chi jrona changgiparangko bang·en ong·katatna chol donga ine WGHDSA bebera·a. Namedake skie on·anichi, skiani bewalrangchi aro gisik nanganichi, an·tang chi jrona changsogiminrangko medal amgiparang ong·atna tarisona man·gen.
“Bil donggipa jrogiparangko chinga man·enga, indiba dal·gipa susaanirango bak ra·na bil-arichide chu·ongja uni gimin uamangna somoiko jakkale name skia ra·ani, jroani bewalrang aro skie ra·anirangko nangenga,” ine GHDSA-ni Vice President Sengrak Marak aganaha.
Chi jrona susaanirangko dolbri dake susaanirangko ong·atronga – Freestyle, Breaststroke, Backstroke, aro Butterfly. Ia dolbri-o gisik nangani aro changa-sapaniko mesokgiparangna skie on·anirangko dakgen ine WGHDSA tik ka·enga. Ia jroe nianirangko dakanio sakbri skigiparang dakdilaha.
Na·simang iakoba nina man·gen:
Na·simang iakoba poraina man·gen: Naljokani baksa Umiam dolongko rikenga : Tynsong
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
