Tura, Sep 5: West Garo Hills a·jani Police, pekatgipa bosturangko badinganio jak donggiparangko am·sandianio, saksa me·chikko chanchape chu·gimik sakgittam manderangko West Garo Hills a·jani Phulbari Police Station ning·o ga·akgipa Shyamding-oniko rim·aha.
Police-rang uamangni bidingo koborko man·soa bakan, am·sandianiko a·bachengataha aro 30.58 gram-ni heroin ine chanchichipenggipa drugs-ko chonchongipa ge 85 temarango sike uamangni almirah ning·o donenganiko aro ge·gni sabon case-rangko taridapgimin gas cylinder ning·o sike donengako nikna man·aha. Iarang baksanaba, gong 1,96,601/-, sonani ganding, mobile handset-rang aro ge 134 kali temarangkoba uamangni nokoniko man·aha.
Ia rim·a man·gipa manderangara, Khaibar Ali (59), uni jikgipa Moriom Bibi (45) aro Nur Zaman (20) ong·a aro uamangko sing·sandianiko dakna Police custody-o rim·e donenga.
Na·simang iakoba nina man·gen:
Na·simang iakoba poraina man·gen: NIT Meghalaya dingtang dingtang niksenggipa University-rang baksa MoU soi ka·grika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
