Guwahati, Sep 5: Salgro-Salaram-oni damgittam university-rang 2025 National Institutional Ranking Framework-o (NIRF) top 100-o seokako man·a baksana, Pachhunga University College, Aizawl, ia seokanio damsamangmang college ong·e bimung nakataha.
Ia bilsi-o ua 49-gipa gadango bimung nakataha, aro ua 2022 bilsioni dipetan NIRF top 100-o joljol biaprangko man·baenga. 2022 bilsio ua 45-gipa, 2023 bilsio 34-gip aro 2024 bilsio 35-gipa biapko ua man·aha. Salgro-Salaram a·dokrangoni dam 22 bak ra·gipa college-rangoni, Pachhunga University College a·song gimikoni sam 4,030 skie ra·chakram biaprangoni damsa ong·e seokako man·aha.
1958 bilsio Aijal College ine a·bachenge, uan Mizoram-ni gitchambatgipa aro dal·batgipa college ong·a. Ru·uta bilsirangna uno intermediate arts-ko poraina cholrangko on·chenge ja·mano bachelor’s aro master’s program-rangko bikotaha, uandaken ua Mizoram-ni skanggipa postgraduate college ong·aha.
Ja·mano ia college-na a·bachengao dakchakgipa saksa bading-chiwalgipa aro politician, Pachhunga-ni bimungchi mingaha – 1965 bilsio uko Pachhunga Memorial Government College ine mingchenge Mizoram University-ni ning·o 2001 bilsio Pachhunga University College ine mingjitaha.
Ia college-ni campus namen dal·a aro 760 acre-mang ong·e tangsekgilgil daka aro bilsi 60-na name nirokanichi ong·telaigipa sam-bolrang bang·en donga aro skie ra·chakna namgipa samtangtangko on·a. Ia college-o IT facility namen donga, pilak klasroom-rangon projector-rang donga aro pilak department-rangan internet jakkalna man·a.
80%na baten college-ni buildingrango ramp ba chakka-ni rama donga aro 80%-na baten dingtangmancha handicapped chatro-chatrirangna dingtangmancha rikgimin paikanarang donga. Skie ra·a baksana mandeskana dangdike on·na ine miksonganio ia college re·mikkanga. Ia college-o village adoption scheme-ba gnang.
Na·simang iakoba nina man·gen:
Na·simang iakoba poraina man·gen: Gas Cylinder ning·ao chipe donenggipa drugs-ko Garo Hills-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
