Shillong, July 15: Ge·e-game cha·giparangna dakchakaniko on·na ine North Garo Hills-ni Resubelpara-ni Bakrapara-ni Multi Facility hall-o CM Farm + Inputs Distribution programme-ko Mongolbar salo ong·ataha.
Ge·a-gamanio dakchakgipa dingtang dingtang bosturangko sualanichi bagan-bari dakanirangko namdapatna, nambata biterangko man·a aro game cha·giparangni man·gnirangko batatna ine District Horticulture Offcier, Resubelpara ia programme-ko ong·ataha. Uandake, High Yielding Variety (HYV), chararang, aro gipin ge·a-gamanio jakkalgipa bosturangko game cha·giparangna sualataha.
Deputy Speaker aro Resubelpara-ni MLA, Timothy D Shira ia programme-ona mongsonggipa sokgipa ong·e re·bae, ia CM Farm+ara a·dok gimiko ge·a-gamanirangko namdapatna aro game cha·giparangni man·gnirangko bariatna inenba a·dokni skotong ministerni dakchakgipa ong·a ine parakataha. Uni jakchin seokgimin game cha·giparangna dingtang rokomrangni bolam-bite chararangkoba sualataniko dakangaha.
Nambata aro bang·bata biterangko on·na, aro mikkangchina nisigija game cha·aniko dakna scientific farmingko dakna nanga ine Shira janapan baksa, ia programme-o game cha·giparangna sualatgimin bosturangko ge·a-gamani dakbewalrango jakkale janggi tangani cholrangko dakna aro namdapatna didianiko on·aha.
Apsandaken, game cha·giparangko HYV chararangko jakkale, namgipa biterangni rokomko rakkina aro nisie galanirangko komiatna ge·ani dakbewalrangko name ja·rikchina North Garo Hills-ni Additional Deputy Commissioner, YW Momin didiangaha. Ge·a-gamanirango name rakkigiparangna game cha·giparangna pala-sim·anirango dakchakana agreba, subsididyrang aro grantrangkoba on·gen ine ua parakataha.
Uandake, a·dok sorkari CM Farm+ni ning·o a·dok gimiko hajal chikkung hectare a·arango High Value Croprangko ge·anina kror 300 tangkarangko tikataha ine Horticulture Department-ni ADH Salma G Momin-ba aganangaha.
Ia project-ni ning·ao dingtang dingtang rokomrangko ge·dimna man·gipa, da·o dongenggipa bagan-barirango ge·a-gamanirangko dake burung-bolgrimrangko ripingna aro samtangtangko nisianirangko komiatna ine rokomari High Value Croprang jekai vanilla, avocado, gulmoris, cocoa, dalchini, elaichi aro uandakgiparangko baseaha.
Iandakgipa ge·a-gamani rokomrangko dakanichi mikkangchi nisianiko ra·baja aro biterangko nambate on·a, uandake game cha·giparangni man·gnirangko baridapata ine ua agandapaha.
Na·simang iakoba nina man·gen:
Na·simang iakoba poraina man·gen: Meghalaya-o para watgipa pilak garirango salgiparangni gimin janapaniko nangchongmotgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
