Shillong, July 15: A·dokona aro a·dokni gisepo songregiparangna naljokani aro chelchakaniko on·dapna ine Meghalaya sorkari gitalgipa niamko ra·gatna tik ka·aha. Uandake, para watgipa pilak garirangni nokgiparang uarangko salenggiparangni gimin janapani, license, contact number, bimung aro dongram biapko mesokaniko dakna nangchongmotgen.
Mongolbar salo Secretariat-o, Deputy chief Minister in-charge Transport, Sniawbhalang Dhar-ni tom·e chanchidilanirangko dakani ja·mano, MDA sorkari-ni palo agantimgipa aro Tourism Minister Paul Lyngdoh ia rai-ko jinmana parakataha.
Para-na watgipa garirangko jakkale niamni a·palo ong·gipa kamrangko ka·anirangko komiatna aro songregiparangni gisepo chelchakaniko on·na ine miksonge ia gitalgipa niamko ra·gatenga. Gari-ko chalaigipa mandeko u·ianichi, songregiparang an·tangtangko naljokbate nikgen ine Lyngdoh kobor ra·timgiparangna aganaha.
Meghalaya a·dokni ning·o, Transport department-ni gita an·tangtangni District Transport Officer-rangoniko (DTO) permit man·gimin pilak para gari salgiparangan ia niamko ja·rikna nanggen, indiba para-na salgijagipa an·tangtangni jakkalgipa garirang, sorkarini garirang, aro sorkarini dolrang aro sorkarini jako ra·giparangni garirangkode ia niamo watchanganiko dakenga ine minister agandapaha.
Ia niamni bidingo u·iatanirangko sokatani ja·mano, parana watgipa garirangni nokgiparang lekkarangko tarina jasana somoirangko man·gen, aro iako ra·gatanichi Meghalaya a·doko aro mongsongbate touristrangni re·baanio manderangna naljokbatataniko on·gen ine ua aganangaha.
Na·simang iakoba nina man·gen:
Na·simang iakoba poraina man·gen: Manipur-oniko sak-16 burungni manderangko rim·a baksana silchidarerangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
