29.8 C
Tura
spot_img

GHADC election-o gipin jatrangna party ticket on•jachina GSU didiata

Must read

Williamnagar,Feb 1: Re•baenggipa April 9 tariko ong•atenggipa Garo Hills Autonomous District Council (GHADC) eleksin-o gipin jatrangna party ticket on•jachina Garo Students’ Union (GSU)-Eastern Zone didiataha.

Unbaksana gipin jat independent candidate-rangna GHADC election-o nomination file ka•aniko dontongatchina gitaba GSU mikrakataha.

GSU-EZ-ni Presiddent Saljrang Tengrik R.Marak-ni kobor ra•timgiparangna u•iatani gitade GHADC, Garo-rangni pilak niam retirang, dakbewal rikbewalrang aro a•dok chigarangko ripingani ge•sa institution ong•a, uni gimin gipin jatrang GHADC election-o susana bil dongja aro uamangna party ticket-rangko on•na man•jawa ine parakataha.

Gipin jatrang maming dakeba Garo-rangni nokdangona nape GHADC-ko sason ka•na aro jatni dakbewalrangko ja•rikna man•jawa, maina GHADC-de Garo-rangni ba tribal manderangni nokdangsa. Uni gimin gipin jatrang Garo-rangni nokdango napbroke jatni dingtangdingtang nangchongmotgipa kamrang, jekai jatni dakbewal rikbewalrangko rim•kepna bil dongja, iarang pilakan Garo-rangni dakna nanggni kamrangsa ong•a ineba janapataha.

“Maming dakeba gipin jatrang GHADC-o member ong•e kam ka•na niam dongja aro uamang election-o susae Garo-rangko sason ka•na bil dongja. Uni gimin pilak political dolrangan gipin jatrangna GHADC election-o susana party ticket-rangko on•na nangja. Uni gisepon badiaba polical dolrang gipin jatrangna party ticket-rangko on•genchimode, cheani ja•mano uamang Garo-rangko nokol itgen aro a•arangko ra•sekna gita cholko ra•gen, uni gimin sakantian simsaksona nangchongmota. Maina GHADC-de Garo-rangni nokdangsa, uni gimin Garo-rangsan GHADC election-o candidate ong•e susana gita bil donga” ine GSU dilgipa agandapataha.

Indake ong•engon, gipin jatrangna badiaba political dolrang party ticket on•genchimode GSU bilaken warachakgen aro election-o susana on•jawa ine GSU mikkrakatangaha.

spot_img

More articles

spot_img
-->

Latest article