31.6 C
Tura

GHADC-o kam ka•giparang ja 32-ni dormaharangko man•kujaenga

Must read

Tura, Dec 7: Da•o Christmas-ni salrang sokbaengahani gimin Garo Hills-o manderang ka•sroksona a•bachengtokengahaoba, Garo Hills Autonomous District Council (GHADC)-o kam ka•enggiparangde batanggimin ja 32-ni dormaharangko man•kujae, nokdangtangtangko chalaianio grorang bang•tingen Christmas aro Bilsi Gitalnaba maming kusinirangan dongsoskatokjaenga.

GHADC-o kam ka•enggipa manderangna indita jarangni dormaharangko on•kujaengani a•sel kam ka•enggipa manderang duk mikchi baksasa Christmas-ko manina sengsotokengon, GHADC-o kam ka•enggiparangna da•o re•baenggipa December 11 tarikni gisepon ia dormaharangko on•jagenchimode re•baenggipa December 14 tarik dipetde GHADC-o kam ka•enggipa manderang, kamtangtangko dontongatgnok ine GHADC-ni Non-Gazetted Employees Association (NGEA) parakatskaaha.

NGEA-ko re•dilenggipa manderangni u•iatani gitade, GHADC-o gong kror 18 tangkarang dongkuenga ine koborko man•ahani gimin GHADC-o kam ka•enggipa manderangni man•na nangkuenggipa bangki dormaharangko on•china dabiahachim indiba da•alonan GHADC-o kam ka•enggiparangna dormaharangko on•ani bidingo maming ku•rachakanirang dongskakujaengachim.

More articles

LEAVE A REPLY

Please enter your comment!
Please enter your name here

Latest article