Shillong, July 4: Meghalaya Swimming Association-ni ong·atgipa chang 19-gipa Meghalaya State Swimming Championship 2026 name matchotangaha jeon a·dok gimikoni dingtang dingtang bilsina ong·atgipa jrosusaanio sak 100-na bate chi jrona changgiparang bak ra·angtokaha.
Ia chi jrosusaani bon·kamgipa salo, Meghalaya Sports and Youth Affairs Department-ni Assistant Director P. B. Nongbri bakko ra·gipa sakantinan nama skaniko on·angengon, chi jrosusagiparangni bang·batrorobaaniara Meghalaya a·doko ia kal·susaani mingsingbaroroaniko mesoka ine aganangaha. Iandakgipa susaanirangara chadambe chi jrona sapgiparangko sandina aro skie on·a dakchakaniko on·gen ine ua aganengon, bang·bata chi jrosusagiparang mikkangchi a·dokni palo susaaniko dakanggen ine ua an·tangni ka·donganiko parakataha.
Ia championship-ko chegiparangna medal-rangko on·e matchotataha jeon skanggipa biapko man·gipa Gold-ko, 2-gipa biapko man·gipa Silver-ko aro 3-gipa biapko man·gipa Bronze medal-rangko man·angaha. A·doko chi jroaniko ra·doanina chakpaaniko on·ahanina coach-rang, official-rang aro ma·a parangnaba mande ra·pilskaanikoba dakangaha.
Ia Swimming Championship ba chi jrosusaanio, Tura Swimming Association-ni Rakrak A Sangma, 4×50 metre Individual Junior Medley Category-o Gold medal-ko, 50 metre aro 100 metre Breaststroke Junior Category-o Silver medal-ko, 50 metre Butterfly Individual Junior Category-o Bronze medal-ko, 4×50 metres Medley Freestyle Open Category aro 4×50 metres Freestyle Medley Open category-oba Bonze medal-ko cheaha.
Una agreba, ia chi jrosusaanio, Amran B Marak-ba 400 metres Freestyle Open Category aro 4×50 metres Freestyle Medley-o Bronze medal-rangko cheaha aro Chachang B Marak-ba 50 metre Breastsroke Open Category-o Silver medal-ko aro 4×50 metre Freestyle Medley-o Bronze medal-ko man·aha.
Salres G Sangma-ba, 4×50 metre Freestyle Relay Open Category aro 4×50 metres Freestyle Junior Category-o Bronze medal-ko chebaaha.
Ia A·chik chadamberangni iandake chi jrosusaanio chu·sokgipa ong·anichi A·chik jatna aro a·songna mikkim rasongko ra·baaha.
Na·simang iakoba nina man·gen:
Na·simang iakoba poraina man·gen: Bishop George Mamalassery sagiko uni 2-gipa siani bilsio gisik ra·aniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
