Tura, July 4: Bishop George Mamalassery sagiko uni 2-gipa siani bilsio, Tura Diocese-o uko gisik ra·na tarigipa mangkrongko Walbakgre-ni St. Luke Church-o jinmana oprake on·e gisik ra·aniko dakangan baksana Holy Cross rama bibra, St. Luke Church aro Holy Cross Hospital-ko nangdimatgipa ramako Bishop George Mamalassery Road ine officially mingangaha.
Ia tomaniko ong·atanio, Cabinet Minister Marcuise N. Marak, Rev. Bishop Andrew R. Marak, Auxiliary Bishop Jose Chirakal, Additional Deputy Commissioner J.R.T. Sangma (MCS), Abigail Tariang (MCS), Fr. Jobi Mamalassery, CST, Public Works Department (PWD)-ni official-rang, father-rang, sister-rang, parish council-ni dilgiparang aro Catholic organisation-rang baksana Tura Diocese-ni pilak Kristo bebe ra·giparangba dongpae bakko ra·angtokaha.
Bishop Jose Chirakal, una mande ra·aniko dakengon, Bishop George Mamalassery sagi uni bilsi 28-na Bishop ong·ani somoio lekka pora, sana banani aro songsalna dangdike on·anirangchi Garo Hills-o songdonggipa bang·a manderangni janggi tanganio dingtanganiko ra·baaha ine aganangaha. Bishop George Mamalassery sagi, ge 57 lower primary school-rang, ge 16 secondary school-rang, ge 2 higher secondary school-rang, ge 24 girls’ hostel-rang aro ge 23 boys’ hostel-rangko kulie on·angan baksana ua Salesian-rangko Tura-o Don Bosco College-ko a·bachengate on·china okamatenba, ja·mano Jesuit-rangko ge·gipin college-ko kulie on·china didianiko dakangaha ine ua janapataha.
Una agreba, Bishop George Mamalassery sagi songadam biaprango ge 20-na baten dispensary-rangko kulie on·an baksana Holy Cross Hospital-ko mangrakbatatna dakchakaniko on·angaha, nurse-rangni poraianiko ra·doaha aro songsalni namroro silroroanina Diocese Social Service Society-ko dal·batgipa dol ong·atna dakchakaha ineba Bishop Chirakal u·iatangkuaha.
Cabinet Minister Marcuise N. Marak, Garo Hills-o namroro silroroaniko ra·baanio Christian Missionary-rang lekka pora, sana banani aro songsalni namgnina kam ka·anirangko namdapatanichi mongsonggipa on·gilanirangko dakangaha ineba aganangaha. Ua, Bishop George Mamalassery-ko chasong gitalni Garo Hills-ko rikgiparangoni saksa ong·a ine aganengon, uni lekka pora aro sana bananirangko namdapatani baksana janggi tangani cholrangko on·gipa dol BAKDIl-ko a·bachengate on·ahaninaba de·mitele aganangaha. Meghalaya a·dok sorkari, gilja nokrangni dakchakani aro ku·mongani baksa 10 billion dollar-ni economy-ko 2028 bilsio rikna miksongenga ineba Marak u·iataha.
Bishop Andrew R. Marak, ia program-ko ong·atmiting somoio, Bishop George Mamalassery sagi-ko gisik ra·e mande ra·na gita chol ong·pagijagipa kragipa chatro chatrirangna dakchakaniko on·a aro uamangni poraianio nambate dakchina didianiko on·a BP Mama Memorial Scholarship-ko a·bachengatani bidingoba parakataha. Bi·ani chrokani, choir-rangni git ring·ani, cake ratani baksana Garo Hills-ni saksa mingsinggipa giljani dilgipa aro uni janggi tangani namgipa bewalko gisik ra·na dingtangmancha bi·ani baksa ia tom·aniko matchotataha.
Na·simang iakoba nina man·gen:
Na·simang iakoba poraina man·gen: Ankita Konwar, Salgro Salaram joloni English Channel-ko jrobatchenggipa me·chik ong·e itihas-ko segata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
