Shillong, July 4: Meghalaya World Bank-ni tangka paisani gita dakchakenggipa Meghalaya Integrated Project (MITP) matchotna siengaha. World Bank report-ni gitade, bang·bata ramarangko tariani kamrang matchotaha aro rama package ge·sasan dongani gisepon, 85%-ni gita kamrangde matchotaha aro ka·dongsoana baten ia project-ni kamrang namenga.
Ia project-ni ning·o 316.65 km mang ramarang taridapako aro namdapatako man·an baksana songreani somoirangko 39.06% mangni gita komibatataha aro regular maintenance-ko man·gipa ramarangko km 2,193-ona tang·dobatataha.
Iani gisepon, a·dok sorkari ru·uta somoirangna songre songabataniko namdapatna tarisamsoanirang baksana rama jal·angrangko namdapatna Road Research Laboratory-ko a·bachengataha aro Shillong aro Tura-na gari apchangket ong·aniko olgrokatna aro songre songabataniko altubatatna tarisamsoanirangkoba matchotataha.
Ia project-ni kamrang da·o namen matchotangengaha aro a·bachengona bate da·o bang·e kenchakna nanggipa ong·jaha ine World Bank u·iatangkuaha. Indake ong·engon, chi ban re·ani aro gipin ong·telaigipa obostarangni somoio nangchakeako man·gijagipa dolongrangko man·chape mitam rika cho·ani kamrang da·o matchotna nanggiparang dongengkua aro songre songabataniko namdapatna miksongani kamrangko 2026 bilsini October 31 tariko ia project bon·a skang matchotatna manchisoenga.
Na·simang iakoba nina man·gen:
Na·simang iakoba poraina man·gen: Chang 19-gipa M’laya State Swimming Championship 2026 name matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
