Dibrugarh, April 11: Mongolbar salo, Union Home Minister Amit Shah, uni salgnina salgro salaram a•dokrangona wenbaaniko Assam a•dokni Dibrugarh-o BJP-ni gital office-ko rikna pangchakaniko songe on•anganichi matchotataha aro ia tom•anio ua jinmana aganprakangengon, re•baenggipa 2024 bilsini Lok Sabha election-o BJP, dam 300-na baten seat-rangko chee, a•songni Prime Minister Narendra Modi-ni dilanichi gittamgipa changna sorkariko chalaianggen ine parakataha.
2024 bilsini Lok Sabha election-o Assam-ni dam 14 seat-rangoni dam 12-ko BJP chegen aro a•song gimiko dam 300-na baten seat-rangko chegen ineba Shah parakataha.
Congress dolni dilgipa Rahul Gandhi-ko matnange aganangengon, ua an•tangni bewalrangko namatjagenchimode jekai salgro salaram a•dokrango Congress dol bon•atako man•aha a•song gimikon Congress dol bon•atako man•gen ine Amit Shah parakataha.
Salgro salaramni damgittam a•dokrango chu•sokgipa ong•na man•ahani gimin ua dingtangmancha salgro salaram a•dokrango BJP-na kam ka•enggipa manderangkoba mittelpilangaha.
