Shillong, May 6: Robibar salo, ta•rakbegipa mikka balwa baksana stilrang onanganichi, a•dokni dam 7 a•jarangni ning•o te 483 nokrang nosto ong•atako man•aha. Indake ong•genchimoba, ia a•sel ong•anio darangba saknaatako man•jaha.
Indake nosto ong•atako man•gipa a•jarangara, South Garo Hills a•jani Chokpot aro Baghmara, South West Khasi Hills a•jani Mawkyrwat, East Jaintia Hills a•jani Wapung aro Saipung, West Jaintia Hills a•jani Thadlaskein aro Amlaren, Eastern West Khasi Hills a•jani Mairang, West Khasi Hills a•jani Nongstoin aro Mawshynrut, East Khasi Hills a•jani Mawphlang, Mawkynrew aro Mawryngkneng ong•achim.
Ia ta•rakbegipa mikka balwa rakanichi am•pangni nok aro cement-ni ong•gijagipa nokrang nosto ong•atako man•aha aro ia nosto ong•atako man•gipa nokrang, dam 29 songrangoni ong•achim jeon, sak 949mangni gita manderang gnangchim. Iani gisepon, Mairang-ni dam 2 skul nokrang nosto ong•atako man•aha aro East Jaintia Hills a•jani Wapung songni gilja nokkingko ta•rakbegipa balwa man•pakangaha.
Ia ta•rakbegipa mikka balwa rakanichi aro stil onanichi, South Garo Hills a•jani Baghmara block-ni ning•o donggiparang bang•bate nosto ong•atako man•aha ine koborko man•soaha. Indake, te 282 nokrang nosto ong•atako man•giparangoni, Nengkong aro Rongchekgre songrango bang•bate nosto ong•atako man•ahachim.
East Khasi Hills a•jani ning•o nosto ong•atako man•gipa nokdangni manderangko, uamangni ma•drang maharini nokrangona jitatskaaha aro cha•a ringanirangkoba uamangna suale on•aniko dakenga.
Una agreba, uamangna nokking pinani tin-rangko suale on•anikoba dakengaha ine State Disaster Management Authority-rang u•iataha.
Na·simang ia video-koba nina man·gen:
Na·simang iakoba poraina man·gen: HSSLC Science aro Commerce-ni result-ko May 8 tariko parakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
