29.2 C
Tura
spot_img

Gnigipa changna China-ni kosako jegale Arunachal-o jingjengata

Must read

Itanagar, Jan 28: India a•songni ning•o donggipa Arunachal Pradesh a•dok ning•o napdrabae ma•manti nokrangko rikengani gimin da•al Bristibar salo gnigipa changna China a•songni kosako jegale Arunachal Pradesh a•dokni Upper Subansiri a•jao jinma re•jome jingjengatanirangko dakangtaiaha.

Arunachal Pradesh a•dok ning•ona China a•songni napdrabae song damsako a•kangengani gimin songbadrango seani ja•man re•anggipa January-ni 22 tarikoba Dapotijo jolo Arunachal Pradesh a•dokni dingtang dingtang dolrang jegalanirangko dakangtokahachim.

Indake ong•engon, da•al salni bakoba All Arunachal Students Union (AASU) dolni dilanichi All Upper Subansiri District Students Union (AUSDSU) dolba China a•songni kosako jegale, Upper Subansiri a•jao jinma re•jome jingjengatanirangko dakangtaiaha.

Da•al salni bako jinma re•jome jingjengatanirangko dakangengon, Arunachal Pradesh a•dok ning•ona napdrabae a•dokni song damsako China a•song a•kangengani gimin sorkarini gita talatanirangko on•china AUSDSU dabiangaha.

Jinma re•jomanio chatro chatrirang aro jolo songdongenggipa manderang, China a•songni President Xi Jinping-ni bimangko so•e galaha aro China a•songni kosako lekka pal•takrango see jegalanirangko dakangaha.

Arunachal Pradesh a•dokni km 4.5-mang ning•o China a•song, song damsako rikaha aro ia songo nokdang ge 101-mang donga ine adita salrangna skangsan TV news channel ge•sao koborko parakatahachim.

“Arunachal Pradesh a•dok ning•ona napdrabae song damsako China a•song a•kangengani gimin jolo songdongenggipa Tribal manderang kenjagokna nangtokengoba India sorkari maming talatanirangko on•kujaenga,” ine AUSDSU-ni president Yade Natam parakataha.
Arunachal Pradesh a•dokni Upper Subansiri a•jao rama jal•langrang namsrangjaengahani giminba ua ma•mong sorkariko jegalataha.

“Upper Subansiri a•jao rama jal•langrang namsrangjaengahani gimin chinga Union Minister Kiren Rijiju-na u•iatmanahachim indiba da•alonan ua chingni dabianirangko knachakjaenga,” ine Natam parakataha.

spot_img

More articles

spot_img
-->

Latest article