Guwahati, Feb 24: Re·anggipa Sukrobar walo Assam Goalpara districtni ning·o donggipa Lakhipur minggipa biapo buringni mongma mande sakgniko doke siataha.
Ia obosta walni 10:30 bajimango ong·aha.
Kobor man·soani gitade, ia a·selo ga·akgipa saksade Hatgaon songni Atul Chandra Nath ong·achim aro saksade jekon da·odipet u·ina man·kugijagipa me·chik saksa baksa motorcycle-o nokona re·angengachim.
Ua jolo donggipa manderangni aganani gitade, uamang sakgni mongmaoni joke katna gita jotton ka·ahachim indiba uamangko mongma doke siataha.
Ua somoio, policerang a·sel ong·gipa biapona sokange uamangni manggisirangko ra·angaha.
“Adita salrangna skang mongma buringoni ong·katbae jolo songdong a·chagipa manderangko kenjagokatengachim. Indake mijal walni bako mongma re·baenba ia sakgni manderangko doke siataha,” ine forest official saksa u·iataha.
Na·simang iakoba poraie nina man·gen: BJP sorkarina chakpaaniko on•enggipa sakgni MLA-ko ra•galchina Assam Congress dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
