Williamnagar, October 26: Garo Students Union (GSU) Eastern Zone (EZ)-ni election-ko Bristibar salo Williamnagar Government College-o ong•ataha aro ia election-o sakchet candidate-rang president-ni kamna aro sakdok candidate-rang general secretary-ni kamna susaangaha. Pangna election-rangna bate ia chang election-o chatro chatrirang bang•bate bakko ra•angtokaha.
Ia pu•onanio Williamnagar-ni Trinity Secondary School, Greenyard Higher Secondary School, Educere Higher Secondary School, Bolkinggre Secondary School, Balsrigittim Secondary School, Riverdale Evening Secondary School, Ripok Dokatchi School, Simsanggre Secondary School, Mount Penuel Higher Secondary School, Williamnagar Vidya Mandir Secondary School, Green Hills Secondary School, Williamnagar Girls Secondary School, Sunbeam Secondary School, Rongrengrenggre Government Higher Secondary School, Williamnagar Government College aro Loyola College-ni chatro-chatrirang pu•onangtokaha.
Pu•onani somoi 3 bajionasan ong•genchimoba pu•onani 5 bajiosa matchotaha.
Indake ia election-o, President-na Goera R Sangma seokako man·aha aro Alex D Shira, General Secretary-na seokako man·skaaha.
Watch
